Leiarskifte i Island Offshore
SKIFTE: Håvard Ulstein (t.v.) sluttar i jobben som administrerande direktør i Island Offshore, og overlet sjefsstolen til Tommy Walaunet. 
Nytt

Leiarskifte i Island Offshore

– Vi har avventa ei betring i marknaden og no meiner vi tida er inne, seier Håvard Ulstein - og overlet roret i Island Offshore til Tommy Walaunet.

Marius Rosbach
19.08.2019
Skiftet i sjefsstillinga ved Island Offshore har vore planlagd i lengre tid og skjer frå 1. september, ifølgje ei pressemelding frå reiarlaget.
– Vi har avventa ei betring i marknaden og no meiner vi tida er inne, seier avtroppande administrerande direktør i Island Offshore Management AS, Håvard Ulstein.

– Har gjort ein makelaus jobb

Tommy Walaunet har lang erfaring i selskapet, og er godt budd frå si stilling som viseadministrerande direktør.
– Håvard har gjort ein makelaus jobb for dette selskapet og er ein raus, inkluderande og kunnskapsrik leiar.
- Eg er veldig glad for at han skal halde fram i selskapet og veit at vi vil samarbeide godt. Personleg er eg særs takknemleg for den tilliten som eigarane gir meg og veldig motivert til å bidra i utviklinga av selskapet vidare, seier den påtroppande direktøren.

Ny rolle for Ulstein

Håvard Ulstein vil gå over i ei Business Development-rolle i selskapet, og held fram som medeigar.
– Det har vore ei spennande reise med ein fantastisk vekst sidan vi kjøpte vår fyrste båt i romjula i 1999. Vi har alle fått føle på ein bratt nedtur siste åra, men no ser vi pilene peikar oppover, og då kjenner eg at det er naturleg å overlate sjefsstolen til ein som vil sikre kontinuiteten i selskapet, seier Håvard Ulstein.
Håvard har gjort ein makelaus jobb for dette selskapet

Publisert: 19.08.2019 15:57

Sist oppdatert: 10.02.2021 14:38