Leiarskifte i Fora Form

Finansdirektør Michael Grindborn i Lammhults Design Group stadfesta tidleg i formiddag leiarskiftet til NETT NO.
Det børsnoterte svenske møbelkonsernet Lammhults Design Group eig kontraktsmøbelprodusenten Fora Form. Dei tilsette er orientert om leiarskiftet på eit allmøte, og Lammhults Design Group sende ut ei pressemelding om leiarskiftet i dag klokka 15.00.

Vil ha sterkare kultur

I følgje pressemeldinga vil Lammhults Design Group ha eit leiarskifte trass i god resultatutvikling i Fora Form:
"Bolaget har utvecklats väl resultatmässigt de senaste åren. Vi ser ett behov av ett nytt ledarskap för att bygga en ännu starkare företagskultur. Thomas Haram har på kort tid strukturerat upp verksamheten inom Supply Chain på ett mycket bra sätt, och vi ser att Thomas har rätt förutsättningar att ytterligare vidareutveckla hela Fora Form med sitt processorienterade och målfokuserade ledarskap," heiter det i pressemeldinga.

Eitt år i jobben

Haram har vore "supply chain manager" og ein del av leiargruppa i Fora Form. Han er utdanna sivilingeniør i industriell økonomi, bur i Ørsta og har tidlegare arbeidd i Equinor, Scana Volda (no Brunvoll Volda) og Peab K. Nordang, følgje profilen sin på Linkedin. Han starta i Fora Form i januar i år.
-Eg synes det virkar som ein veldig spennande og utviklande jobb, seier Haram om kvifor han takka ja til å bli Fora Form-sjef.
Han har to stikkord for kva han vil prioritere: Å minst oppretthalde produktutvikling- og lanseringstakten og å digitalisere verksemda, med vekt på marknadsføring, sal og distribusjon.

Tok over i 2016

Ivar Sandnes blei sjef for møbelprodusenten Fora Form i Ørsta i september 2016.

Som tilsett i Stokke var Sandnes sjølv med å planlegge og bygge fabrikken i Ørsta.
Stokke-konsernet selde Fora Form til Credo Invest, som selde det vidare til det børsnoterte svenske møbelselskapet Lammhults Design Group hausten 2013.