Laft-fabrikk dreg ned

Nedkrivinga av Loxit-aksjane gjer at konsernet Flakk Gruppen enda med underskot i fjor (sjå tabell).
Loxit, som tidlegare heitte Isolaft, lagar lafta bygg og byggelement - som kombinerer moderne isolasjonsteknikk med tradisjonell lafteteknikk. Kundane får lafta tømmer med isolasjonen i.
I fjor gjekk selskapet med 12 millionar kroner i underskot og verdien av aksjane blei skrivne ned med 62 millionar kroner. Det går fram av 2017-reknskapen til Flakk Gruppen og dotterselskapet Flakk Investment.

Taper pengar

I løpet av dei siste seks åra er det samla underskotet for Loxit rundt 80 millionar kroner.
"Vi ser at Isolaft har fått et løft nå i 2016, men varsellampene er ennå ikke skrudd av. Selskapet må framover vise forbedringer og der vekst og lønnsomhet må materialisere seg på sikt", sa Knut Flakk om Loxit i 2016.

Hexagon-gevinst

Gjennom Flakk Gruppen har Knut Flakk og familien investert i børsnoterte Hexagon Composites, reiseliv, handel, industri, helikopterselskap og eigedom.

Salet av ein aksjepost i Hexagon Composites i 2016 gav ein gevinst på 195 millionar kroner, og er hovudårsak til det store overskotet for konsernet i 2016.