Konkurs-sak mot Axxis utsett

Konkurskravet mot seismikkselskapet Axxis Geo Solutions er utsett inntil vidare, medan selskapet arbeide for å få inn ny eigenkapital og få kreditorane til å ettergi gjeld.
Det skriv selskapet i ei børsmelding.

Ja til å ettergi krav

14. januar i år varsla det kriseråka selskapet at det arbeider med ein refinansieringsplan som omfatta å hente inn ny kapital og får kreditorane med å å ettergi 85 prosent i gjelda. Kreditorane kan velje å få utbetalt resten av kravet i kontantar eller å få aksjar i selskapet.
I dag melder selskapet at ei gruppe investorar har garantert for ei kapitalutviding på 15 millionar dollar. Investorgruppa er leia av Arne Fredly (Apollo Asset Limited), Edvin Austbø (Alden AS), Fredrik Sneve (F2 funds AS), Kristian Lundkvist (Middelborg AS) og Ketil Skorstad (Tigerstaden AS), står det i børsmeldinga.AS).
Kaptialutvidinga vil gjere at dagens eigarar vil sitte att med under ein prosent av eigarskapen.
Eit fleirtal av kreditorane har sagt ja til planen, i følgje børsmeldinga. Om Axxis Geo Solutions ikkje får med seg nok kreditorar og eigarar på refinansieringsplanen er alternativet å søkje om offentleg gjeldsforhandling.

Børsfiasko

Axxis Geo Solutions blei skipa med fleire investorar på Sunnmøre som medeigarar. Klart største aksjonær - før den eventuelle kapitalutvidinga - er Havila Holding med ein eigarandel på 26,4 prosent.
Det starta bra, men enda dårleg.
Investeringsdirektør Tore Tønseth i Roger Halsebakk sitt investeringsselskap Ronja Capital, eitt av Sunnmørsselskapa som satsa på Axxis Geo Solutions, oppsummerte utvikling i selskapet slik til NETT NO i førre veke:
– Prosjekta blei dyrare, og med høgre kostnader steig gjeldsforpliktingane, kombinert med at inntektene ikkje kom. Hausten 2019 og inn i 2020 blei det betydelege forseinkingar. Saman med ein krevjande marknadssituasjon, kom så Covid-19 og oljeprisfallet i fjor, sa Tønseth.