Kom med meir jobb til Kleven

Kleven verft fekk laurdag levert nye delar til ein lekter dei har under ombygging. Uver gjorde at lasteskipet «Aal Kobe» blei nokre dagar forseinka.
– Det har sirkla rundt i fjorden nokre dagar og venta på eit vêrvindu for å komme til kai, fortel Kleven-direktør Kjetil Bollestad til NETT NO.

Lekter-oppdrag

Leveransen er prefabrikkerte stålseksjonar og ISO-bygde røyr som skal nyttast i ombygginga av lekteren Boabarge 33, ifølgje Bollestad.

Oppdraget som blei starta i slutten av oktober, gir arbeid til om lag 100 arbeidarar ved verftet. Etter planen skal den leverast i slutten av februar.
Det er reiarlaget Boa Barges AS i Trondheim som skal bygge om lekteren til eit oppdrag utanfor kysten av Dakar i Vest-Afrika. Tidlegare i haust blei det kjent at .

Har vore forhandlingar

Kleven-verftet har framleis ikkje gått ut med nokon avklaring på arbeidet med å få inn nye eigarar.
NETT NO er kjent med at det har gått føre seg forhandlingar dei siste vekene – og mellom anna har det vore i Kroatia.
Kleven Verft gjekk på ein solid smell i 2018. Først mot slutten av 2019 leverte verftet rekneskapen som kroner.

Skifta namn til Kleven Yards

At Kleven-selskapet mot slutten av fjoråret skifta namna frå «Nye Kleven Verft AS» til «Kleven Yards», skal ein ikkje legge så mykje i, ifølgje finansdirektør Ola Beinnes Fosse.
– Vi kjem nok framleis til å heite Kleven verft. I ein overgangsperiode hadde vi to selskap som heite Kleven Verft – gamle og nye – og då måtte vi bruke eit anna namn ein periode, forklarar Fosse til NETT NO.
Dagens eigar, Hurtigruten, ønskjer å selje seg ut av verftet på Sunnmøre. Reiarlaget fekk nyleg overlevert MS Fridtjof Nansen, som framleis ligg til kai ved verftet.

Les også: