Kasta heilt ut av Brasil
OPPLAG: World Peridot og World Opal i opplag ved Herøyterminalen i Torvika.
Nytt

Kasta heilt ut av Brasil

Selskapet hadde fire av sine seks skip på langsiktige kontraktar med Petrobras. No er alle ute.

19.10.2016
World Wide Supply opplyser i ei børsmelding at både World Emerald og World Sapphire vert lagde i opplag i spanske Cadiz. Det skjer etter at det brasilianske statsoljeselskapet Petrobras har kansellert kontraktane.
Samstundes mister Herøy-selskapet Remøy Management driftsansvaret for skipa. Den tekniske og kommersielle drifta er overtatt av selskapet Tschudi Ship Management.
Remøy Management var tidlegare storeigar i World Wide Supply.

Blokkering

Reiarlaget har ingen av de tre år gamle fartøyene fra flåten på seks skip igjen i Brasil. Selskapet har framleis att driftsansvaret for søsterskipa Peridot, Opal, Sapphire og Emerald.
To av skipa opererte i spotmarknaden i Nordsjøen, medan to andre hadde langtidskontrakt med Petrobras, men vart blokkerte ut av den brasilianske marknaden.

Alle i opplag

World Emerald vart levert tilbake til selskapet i august, medan Sapphire vart overlevert for vel ei veke sidan, vert det opplyst i børsmeldinga.
Dermed ligg heile WWS-flåten no i bøyene.
Alle skipa er forsyningsskip bygde i Romania.

Oslo-styrt

Det er den profilerte Oslo-advokaten Aage Figenschou som no har styringa i WWS Recovery etter at obligasjonseigarane i desember 2015 tok over kontrollen av det Ulsteinvik-baserte offshoreselskapet.
WWS Recovery eig no samtlege aksjar i tidlegare World Wide Supply.

Publisert: 19.10.2016 08:16

Sist oppdatert: 10.02.2021 14:02