Kan verte fleire skip i opplag

- Dette er det ratesituasjonen som avgjer. Om vi kjem betre ut av å ha skipa i opplag enn å ha dei i arbeid, er dette noko vi må vurdere.
Hittil har Rem Offshore lagt dei to PSV-ane Rem Provider og Rem Star i opplag.

Rett i spoten

Torsdag skal den nyaste PSV-en, Rem Arctic, døypast i Fosnavåg. Båten skal rett inn i spotmarknaden.
- Det er absolutt ikkje beste tida å overta ein slik båt på, seier Remøy.
Han fryktar at marknaden vert tøff i heile 2015.
- Ja, det er vi førebudd på.

Vil klare seg

Spesielt er det spotmarknaden i Nordsjøen som han forventar vert svak vidare utover.
Når det gjeld marknaden for subseafartøy, har det hittil vore akseptable rater, men i det siste har ratene også her gått nedover.
Remøy meiner uansett at Rem Offshore er eitt av selskapa som vil klare seg bra gjennom den nedturen ein no er inne i.
- Om vi ser ei lysning på slutten av året, skal vi klare oss bra.

God margin

Han viser til at selskapet hadde ein EBITDA-margin (margin før avskrivingar og skatt) på 51 % i første kvartal.
- Det må seiast å vere bra i dagen situasjon.

Selskapet har ein kontraktsdekning på 62 % på flåten for resten av året.