Kan måtte vurdere permitteringar

- Vi må heile tida vurdere vår kapasitet i forhold til marknaden. Med utsiktene framover så vil permitteringar vere noko vi kan måtte vurdere, seier visekonsernsjef Tore Ulstein i Ulstein Group.
Han understrekar at det ikke er tekje noko avgjerd om det blir permitteringar eller ei, berre at det er eet verkemiddel som kan bli tatt i bruk om marknaden tilseier det.

Større uvisse

- Vi ser nokre krevande år framfor oss, med oljeprisen som har gått så langt ned - med påfølgane reduksjon i aktiviteten hos oljeselskapa. Det er stor usikkerheit i leverandørbedriftene, og det merkar vi også, seier Ulstein.
I dag er oljeprisen ned på 55-talet, medan den sommaren 2014 var oppe i 115 dollar fatet.
Ulstein trur både 2015 og 2016 kan blir krevande, og peikar på at det er stor uvisse om kva veg marknaden vil utvikle seg.

Ventar på oppdrag

Ulstein Verft er den største bedrifta i Ulstein Group målt i tilsette.
I november 2014 sa verftsdirektør Kristian Sætre at han vona på signering av kontraktar i løpet av november 2014. Så langt er det ikkje meldt om nye oppdrag for verftet. Sætre sa selskapet har arbeidd med nokre av prosjekta i to år.

Satsar på nettverk

I eit intervju med NETT NO i september 2014 sa Tore Ulstein at Ulstein Group satsar på å byggje opp eit nettverk av samarbeidande verft verda over, der Ulstein Group leverer skipsdesign og utstyr.

Nettverkstrategien inneber også satsing på verftet i Ulteinvik, sa Ulstein.
- Dersom vi har eige verft, så er det lettare å skape truverde ute. Difor vil vi jobbe for å vidarutvikle Ulstein Verft i Ulsteinvik til å framleis å vere eitt av dei betre prototypeverfta i Noreg og i verda, og halde på den kapasiteten vi har.