Nett.no Logo
Mega menyMega meny

BLI ABONNENT PÅ NETT NO

Hold deg oppdatert på alt som rører seg i næringslivet på Nordvestlandet!

Med abonnement hos oss får du tilgong til NETT NO på alle digitale plattformer. 

Eit månadsabonnement mot betalingskort kostar kr. 129,- 
Eit årsabonnement mot faktura kostar kr. 1.399,- 

Kontakt Magnus på tlf 95247209 / magnus@nett.no for eit godt tilbud på fleire abonnement til di bedrift. 

129,- pr. mnd.
Jubeldag for skipstunnelen

STATSRÅDMØTE: Samferdsleminister Jon Georg Dale møtte Randi P. Humborstad og Rolf Domstein frå prosjektgruppa for Stad skipstunnel førre veke. Rapporten frå Kystverket var ikkje oversendt på det tidspunktet, men statsråden kom med positive signal, ifølgje Humborstad.

Jubeldag for skipstunnelen

– No ser eg ikkje noko som kan stanse prosjektet, seier prosjektleiaren for Stad skipstunnel gledesstrålande. Ny rapport frå Kystverket peikar mot byggestart i 2021.

Måndag kom den siste rapporten frå Kystverket om Stad skipstunnel, som viser at det er mogleg å redusere kostnadene betydeleg.

– Dette er ein gledesdag. No ser eg ikkje noko som kan stanse prosjektet, seier Randi P. Humborstad i styringsgruppa for Stad skipstunnel til NETT NO.

Med eit kostnadskutt på kring 630 millionar kroner på sjølve bygginga, er prislappen nede på nivået som samferdsleminister Jon Georg Dale har antyda må til. Ifølgje utrekningane til Kystverket kan tunnelen byggjast for 2,8 milliardar med moms rekna i 2018-kroner.

Les også: Har kutta prisen kraftig på skipstunnelen

Takast i bruk i 2025?
I rapporten vert det antyda ein tidsplan for prosjektet med investeringsavgjerd i 2020 og byggestart i 2021. Då kan ein verte ferdig i løpet av 2024 og skipstunnelen kan takast i bruk i 2025.

– Her har Kystverket levert etter bestillinga og er kome godt innafor rammene. No ventar vi at regjeringa følgjer opp med oppstartsmidlar på neste års statsbudsjett, slik at arbeidet kan starte i 2021, seier ho.

Humborstad fekk beskjeden medan ho var i Spania – på sin første feriedag for sommaren.

– Dette er den beste starten på ferien eg kunne fått, seier ho.

Positive signal frå statsråden
Skipstunnelen er planlagt bygd mellom Eide i Moldefjorden og Kjøde ved Vanylvsfjorden i Selje kommune. Prosjektet ligg inne i Nasjonal Transportplan (NTP) for 2018-2029 - men samferdsleminister Jon Georg Dale ville ha ned kostnadene før han ville gi endeleg grønt lys. 

Humborstad og Rolf Domstein i prosjektgruppa for tunnelen møtte Dale førre veke. Då var ikkje rapporten ferdig, men dei fekk klart positive signal.

– Vi fekk signal allereie då at det var ein veldig positiv rapport, seier ho.

Kystverket treng to år til å førebu byggestart, gjere grunnerverv, arkeologiske utgravingar, kontrahering og etablering av organisasjonen.

Betre nytteverdi
Ifølgje rapporten vert også nytteverdien auka med nær ein milliard kroner. Analysen frå Kystverket viser dermed ein negativ sokalla nettonytte på 2,39 milliardar.

Ringverknader av turisme er mellom dei tinga som ikkje er talfesta – men no er det utrekna tal for spart drivstoff og mindre utslepp.

NETT NO fekk ikkje svar frå samferdsleministeren måndag om korleis han ser på skipstunnelen i lys av den nye rapporten.

Les meir: Ny metode gir nytt reknestykke for skipstunnelen

 Brønnbåt sparer 50 minutt ved å gå skipstunnelen

Utgreiast for 21. gong

Siste artikler

Familiebedrift veks kraftig på prestisjejobbar

Ei rekke lokale bedrifter leverer til Kjell Inge Røkke sitt spektakulære Rev Ocean-skip under bygging i Brattvåg. Oceantec er mellom dei minste - og legg ikkje skjul på det er stor stas.

Olympic forhandlar om avdrag

Går med overskot etter årets ni første månader. Forhandlar med kreditorane.

Båtar for over 1,1 milliardar på 10 dagar

Sølvtrans får overlevert nye brønnbåtar på rekke og rad før jul og Sølvtrans-sjef Roger Halsebakk lovar at det og blir skrive minst ei ny kontrakt før året er omme.

- Vil ha betre utval og lågare prisar

Ei ny lov om god handelsskikk vart lagd fram fredag. Målet med lova er ryddigare forhandlingar i daglegvarebransjen.

Vil sentralisere for å redde utdanning

Det er bedre å samle smale utdanningstilbud på færre steder enn å legge dem ned over alt. Det er budskapet fra næringslivet i Møre og Romsdal til fylkespolitikerne.

Krill-dom ikkje klar til jul

Aker Biomarine og Rimfrost må vente til januar 2020 før dommen i striden om retten til produksjonsteknologien ombord i krilltrålaren Juvel er klar.

NETT NO
Ansvarleg redaktør: Ogne Øyehaug
Ansvarleg redaktør: Kjetil Haanes
Dagleg leiar: Eirik Staurset

Utgivar:
Bakkar og Berg Media AS
Pb. 142
6099 Fosnavåg

Kontakt:
Redaksjon: redaksjon@nett.no / Tlf: 95 77 97 27
Annonse: annonse@nett.no / Tlf: 95 24 72 09
Abonnement: abonnement@nett.no / Tlf: 95 24 72 09
Tips: tips@nett.no

NETT NO arbeider etter Ver Varsam-plakaten sine normer for god presseskikk og Tekstreklameplakaten sine normer for skilje mellom redaksjonelt stoff og reklame/sponsing. Alt innhald på NETT NO er opphavsrettsleg verna. NETT NO har ikkje ansvar for innhaldet på eksterne nettsider som det blir lenka til.