Nett.no Logo
Mega menyMega meny

BLI ABONNENT PÅ NETT NO

Hold deg oppdatert på alt som rører seg i næringslivet på Nordvestlandet!

Med abonnement hos oss får du tilgong til NETT NO på alle digitale plattformer. 

Eit månadsabonnement mot betalingskort kostar kr. 129,- 
Eit årsabonnement mot faktura kostar kr. 1.399,- 

For bestilling av årsabonnement - Kontakt Magnus på magnus@nett.no

Teikn ditt månadsabonnement i skjemaet under.

129,- pr. mnd.
Inntil ti gjestar på julaftan

10 GJESTAR I JULA: Statsminister Erna Solberg er bekymra for aukande smitte etter julefeiringa, men regjeringa lempar litt på tiltaka. 

Inntil ti gjestar på julaftan

Regjeringa held oppe tilrådinga om at ein kan ha inntil fem gjester til over nyttår, men opnar for unntak på to av dagane til inntil ti gjester.

NPK-NTB: – Jula er ei tid for nærleik, ikkje avstand. Vi vil at alle skal få feire jul med så mange som mogleg av dei ein ønskjer rundt seg. Det fortener vi, ikkje minst i år, sa statsminister Erna Solberg (H) på pressekonferansen til regjeringa om koronasituasjonen onsdag.

Men det ligg ei bekymring for at julefeiringa skal føre til meir smitte i samfunnet.

– Vi ønskjer ikkje å starte det nye året med stigande smittetal og nye innstrammingar i januar. Det vil ingen av oss, sa Solberg.

Derfor meiner regjeringa at det er nødvendig med smitteverntiltak også i jula. Men det blir lempa på nokre tiltak for at folk skal kunne feire jul og nyttår litt meir som normalt.

Inntil ti gjester
Hovudregelen er at ein avgrensar talet på menneske ein har sosial kontakt med gjennom heile jule- og nyttårsperioden, og ikkje minst i førjulstida.

Regjeringa held derfor oppe tilrådinga om at ein kan ha inntil fem gjester til over nyttår, men opnar for inntil ti gjester på to av dagane.

– Det betyr altså inntil ti gjester på julaftan og inntil ti gjester på nyttårsaftan, eller to andre dagar som ein vel sjølv i perioden, seier Solberg som også minte om at alle må halde minst ein meters avstand til dei ein ikkje bur saman med.

– Avstandsreglane gjeld gjennom heile selskapet. Frå gløggen blir servert, til ein set seg til bords. Når gåvene blir delte ut. Og når kaffien og julekakene kjem fram.

Bekymra for importsmitte
Det blir framleis tilrådd å unngå unødvendige reiser innanlands og utanlands, men regjeringa er klar over at reiser i jula for mange kan seiast å vere nødvendige.

– Alternativet ville vore ei jul utan familien, seier Solberg.

Ho seier det er greitt å reise på hytta, så lenge ein følgjer dei gjeldande reglane for reise og sosial kontakt, men understreka at dette ikkje er jula for å reise utanlands – med mindre du verkeleg må.

– Vi veit at mange vanlegvis bruker juleferien til å besøkje familie som bur i andre land. Bekymringa mi er at dei som vel å reise ut, bringar med seg smitte tilbake. Derfor vil eg på det sterkaste minnet om karantenereglane.

Samvær med begge foreldra
Avslutningsvis minte statsministeren om at foreldre ikkje må gløyme at dei er dei viktigaste personane i livet til barna sine, også ungdommen.

– Eg seier dette no, med håp om at mange finn ro til gode samtalar og hyggjelege ting å gjere saman i jula. På tvers av generasjonar.

– Og la meg presisere: Barn og unge med skilde foreldre bør få samvær med begge foreldra sine, som normalt, gjennom juleferien.

Siste artikler

Rekordkontrakt til Nogva

Skal levere aggregat til åtte skip Vard byggjer i Vietnam.

Intership byggjer i Spania

Har ni brønnbåtar i arbeid når nybygget er i drift og Intership-sjefen lovar å vise fram gode tal når 2020-reknskapen er klar.

Berga trafikkstasjon i første omgang

Transport- og kommunikasjonskomiteen ber Regjeringa å ikke legge ned eller reduserer tenestretilbodet på trafikkstasjonane.

Rotevatn møter fiskerinæringa

Klima- og miljøminister Sveinung Rotevatn skal møte fiskerinæringa etter Regjeringsframlegget om avgiftsauke som vil doble drivstoffkostnadane.

Kraftig auke i bruk av gjeldsordningar

– Vi blir no nærast ringt ned av folk som treng å komme seg ut av gjeldsfella.

Sikra nytt oppdrag og arbeid til fleire folk

Herøy-selskap bygger hamnebåt som skal stasjonerast i Longyearbyen. Solid ordrebok gir behov for fleire tilsette.

NETT NO
Ansvarleg redaktør: Ogne Øyehaug
Ansvarleg redaktør: Kjetil Haanes
Dagleg leiar: Eirik Staurset

Utgivar:
Bakkar og Berg Media AS
Pb. 142
6099 Fosnavåg

Kontakt:
Redaksjon: redaksjon@nett.no / Tlf: 95 77 97 27
Annonse: annonse@nett.no / Tlf: 95 24 72 09
Abonnement: abonnement@nett.no / Tlf: 95 24 72 09
Tips: tips@nett.no

NETT NO arbeider etter Ver Varsam-plakaten sine normer for god presseskikk og Tekstreklameplakaten sine normer for skilje mellom redaksjonelt stoff og reklame/sponsing. Alt innhald på NETT NO er opphavsrettsleg verna. NETT NO har ikkje ansvar for innhaldet på eksterne nettsider som det blir lenka til.