Nett.no Logo
Mega menyMega meny

BLI ABONNENT PÅ NETT NO

Hold deg oppdatert på alt som rører seg i næringslivet på Nordvestlandet!

Med abonnement hos oss får du tilgong til NETT NO på alle digitale plattformer. 

Eit månadsabonnement mot betalingskort kostar kr. 129,- 
Eit årsabonnement mot faktura kostar kr. 1.399,- 

For bestilling av årsabonnement - Kontakt Magnus på magnus@nett.no

Teikn ditt månadsabonnement i skjemaet under.

129,- pr. mnd.
Innstramming i vente for utanlandske arbeidarar

FLEIRE SMITTA I ULSTEIN: Både i Ulstein og Hareid kommunar er det oppdaga nye smittetilfelle i løpet dei siste dagane. Alle dei sju som har testa positivt, har kome frå utlandet i samband med arbeid. 

Innstramming i vente for utanlandske arbeidarar

Verft og bedrifter som får tilsette frå utlandet møter skjerpa reglar.

(NPK-NTB-Gunnhild Hokholt Bjerve og Johan Falnes): Regjeringa førebur innstrammingar i koronareglane for utanlandske arbeidarar som kjem til Noreg.

Det er klart etter at helseminister Bent Høie (H) måndag var i eit møte med NHO og LO om saka.

I dag kan utanlandske arbeidarar få unntak frå reglane for å sitje i karantene i ti dagar etter at dei kjem til landet. Dei får lov til å byrje å jobbe så snart dei har fått negativt svar på den første koronatesten, men må halde seg i karantene på fritida inntil dei har fått negativt svar på test nummer to.

Det er mellom anna desse reglane regjeringa no vurderer å stramme inn.

Regjeringa vil òg innføre krav om einerom på brakkerigg og testing for koronavirus kvar tredje dag, ifølgje NRK og TV 2.

Ifølgje NTBs kjelder blir det òg diskutert kor raskt tiltaka kan tre i kraft.

Ikkje avklart
Høie understreka etter møtet at regjeringa enno ikkje har konkludert. Ei avgjerd skal takast i løpet av måndagen og dei nye tiltaka bli presenterte på ein pressekonferanse klokka 16.

– Vi jobbar med å sjå på det no, seier Høie til NTB.

Regjeringa har innhenta råd frå helsestyresmaktene. I tillegg til importsmitte, er styresmaktene bekymra for auka smitte i private samanhengar.

– Vi jobbar med å sjå på målretta tiltak for å redusere det, seier Høie.

Følg pressekonferansen frå kl 16 her (ekstern lenke)

Les også: Arbeidarar frå raude land må i karantene

Verft-kommune dårleg budd på pandemien

– Kvar dag tel
Både LO-sjef Hans Christian Gabrielsen og NHOs Ole Erik Almlid understreka kor viktig unntaksregelen er for å halde hjula i gang i mellom anna verft og industribedrifter som er avhengige av utanlandsk arbeidskraft.

– Det har stor betydning kor mange dagar ein må sitje i karantene. Kvar dag betyr noko. Vi må ha eit smittevernregime som gjer at du unngår smitte. Kvar dag du kan korte det ned gjennom å ha gode testregime, betyr noko, seier Almlid til NTB.

– På randa
Gabrielsen seier LO er bekymra for at for strenge smittevernreglar kan true evna bedrifter har til å overleve, og dermed føre til at arbeidsplassar går tapt.

– Smitten er alvorleg, og det er viktig å slå han ned, men samtidig er det ein veldig krevjande økonomisk situasjon der ute for store delar av næringslivet og arbeidslivet. Mange bedrifter står på randa av konkurs, seier Gabrielsen.

Høie understreka på si side at unntaksordninga inneber ein høgare risiko for importsmitte.

– Den største utfordringa er at smittesituasjonen i Europa endrar seg så dramatisk at det set oss under press. Derfor vurderer regjeringa innskjerpingar i ordninga, sa han.

Siste artikler

Eit todelt næringsliv i koronaåret

Frykta for at 2020 skulle bli eit heilsvart år for næringslivet på Nordvestlandet ser ut til å ha blitt gjort til skamme. Les analyse og sjå lista over dei 100 største bedriftene på Nordvestlandet.

1,8 mrd. til bedrifter i Møre og Romsdal

Bare Oslo av landets fylker kan måle seg med Møre og Romsdal når det kommer til støtte fra Innovasjon Norge. Én type bedrifter gjør regiondirektøren ekstra glad.

Slik ser dei føre seg gruvedrifta på havbotnen

Om dei mest optimistiske anslaga for den nye næringa slår til, trengst fleirfaldige milliardar med maritimt utstyr.

Hexagon Purus overteikna

Interessa for Hexagon Purus-aksjar var så stor at investorane sto i kø.

Hurtigruten seiler snart med fem skip

Ny avtale betyr samtidig at Havila slipper å seile kystruten med reserveskip fra nyåret.

Konkurskarantene for restaurantdrivar

Den tidlegare innehavaren av spisestad i Herøy får ikkje lov å drive forretningar på ei stund.

NETT NO
Ansvarleg redaktør: Ogne Øyehaug
Ansvarleg redaktør: Kjetil Haanes
Dagleg leiar: Eirik Staurset

Utgivar:
Bakkar og Berg Media AS
Pb. 142
6099 Fosnavåg

Kontakt:
Redaksjon: redaksjon@nett.no / Tlf: 95 77 97 27
Annonse: annonse@nett.no / Tlf: 95 24 72 09
Abonnement: abonnement@nett.no / Tlf: 95 24 72 09
Tips: tips@nett.no

NETT NO arbeider etter Ver Varsam-plakaten sine normer for god presseskikk og Tekstreklameplakaten sine normer for skilje mellom redaksjonelt stoff og reklame/sponsing. Alt innhald på NETT NO er opphavsrettsleg verna. NETT NO har ikkje ansvar for innhaldet på eksterne nettsider som det blir lenka til.