Inngår samarbeid med seismikk-kjempe

Dette opplyser TGS i måndag.
Samarbeidet gjeld multiklient nodeseismikk i Nordsjøen, og dreier seg om dei sentrale delene av Nordsjøen, inkludert Utsira feltet.
Her har Axxis nyleg innhenta store mengder seismikkdata gjennom nodeseismikk på eit område som dekker 1560 kvadratkilometer.

Fire skip

Men no kan det verte fleire oppdrag, for ifølgje avtalen skal partane samarbeide om utvikling av fleire prosjekt i Nordsjøen.
Axxis har i dag fire skip. Det er det Axxis-eigde Neptune Naiad, samt Havila Shipping-eigde Havila Fortune og Volstad Maritime-skipet Geo Caspian.
I tillegg kjem det innleigde skipet Pasific Finder.

Nytt system

Selskapet har nyle tatt i bruk eit nytt nodehandteringssystem som er utvikla ved Kongsberg Evotec i Ulsteinvik.
Totalt operer Axxis over 9.000 noder.

India-kontrakt

Axxis har nyleg også inngått kontrakt med det India-baserte multinasjonale selskapet Oil and Natural Gas Corporation (ONGS) om nodeseismikk utanfor India.
Samla kontraktssum er på 830 millionar kroner (99,9 millionar USD), der rundt 70 prosent av inntektene går til Axxis.
Oppstarten av prosjektet er i november, og oppdraget vil vare 4-5 månader.

- Betre data

TGS-direktør Kristian Johansen har store forhåpningar om samarbeidet med Axxis, og viser i børsmeldinga at nodeseismikk bidreg til ein betydeleg forbetring i seismikkdata.
- Teknologiutvikling og operasjonseffektivitet fører også kostnadene ned til eit nivå som store nodeprosjekt har blitt eit attraktivt alternativ for å støtte beslutningar rundt leiting og boring.