Hyperthermics-emisjon på 4,2 millionar

Emisjonen som blei fullført i desember var på 4,2 millionar kroner, der 90 prosent av pengane kom frå eksisterande aksjonærar.

12 millionar

Administrasjonen hadde fullmakt til å hente inn inntil 12 millionar kroner, men vil heller hente inn meir etter at selskapet har ein signert kontrakt på plass.
- Intensjonen er å få til eit kommersielt sal og heller ta emisjon etterpå, seier salsdirektør Erlend Haugsbø.
Selskapet har eit generalforsamlingsvedtak i 2018 på å hente inn inntil 20 millionar kroner i ny eigenkapital. Dei åtte første millionane blei henta inn i tidleg i 2018 og 4,2 millionar altså i desember.
Det har tatt lengre tid å lande den første kommersielle kontrakten enn Hyperthermics såg for seg i fjor. Det påverka også handteringa av den siste kapitalutviding som blei landa i desember i fjor, si følgje Haugsbø.

Teknisk gjennomgang

Hyperthermics lagar anlegg som ved hjelp av bakteriar ved høg temperatur set ekstra fart på nedbrytingsprosessen i biogassanlegg. Marknaden er både nye og eksisterande biogassanlegg.
Førebels har Hyperthermics eitt testanlegg i drift hos Lindum i Drammen.
Hyperthermics arbeider aktivt opp mot fleire kunder, blant annet eit anlegg som er 20 gangar større enn testanlegg i Drammen, i følgje Haugsbø.
Haugsbø vil ikkje opplyse kven den potensielle kunden er, men seier det er snakk om ein mogleg leveransen til ei oppgradering av eit eksisterande biogassanlegg i Norden.