Her er stordokka framme i Ålesund

Fiskerstrand Verft opplyser i en pressemelding at dokka vert liggjande nokre dagar i Ålesund, før ho vert plassert og forankra ved verftet i løpet av neste veke.
Samstundes har verftet seld den gamle dokka til Belgia.

Denne dokka er 133 meter lang, og Fiskerstrand Verft har hatt nærare rundt 2.000 dokkingar i den gamle dokka frå 1943.

Kjøpt frå Lithauen

Den nye flytedokka, som opphavleg vart bygt i St.Petersburg i 1970, er kjøpt frå Western Shipyard i Klapeida i Lithauen, eit verft Fiskerstrand har hatt eit langvarig samarbeid med.
Det lithauiske verftet har sjølv bestilt ei ny og større dokk.
Etter å ha vorte slept frå Klaipedia, har dokka gjennomgått ei omfattande oppgradering og fornying i Polen.

I bruk frå november

Fiskerstrand Verft opplyser i pressemeldinga at investeringa er gjort med fokus på nye marknader, effektivitet, auka kapasitet og for å kunne møte nødvendige miljøkrav.
Etter planen skal dokka vere operativ og i bruk frå starten av november.
Alle tilsette ser med glede fram til å ta den nye dokka i bruk, fastslår verftet.
Saka oppdatert onsdag 10:31