Havyard partnar i hydrogenprosjekt

Det er eit ikkje namngitt europeisk reiarlag som har Havyard Group med på laget i å utvikle skipet, som etter planen skal frakte gods i Europa.
Planen er å arbeide med forprosjektet i 2021 og Havyard Group skal arbeide både med skipsdesignet og med hydrogenteknologi. Dersom arbeidet lukkast er neste steg å bygge skipet, og Havyard sin intensjon er å vere med også på hovudprosjektet, seier dagleg leiar Kristian Osnes i Havyard Hydrogen, eit datterselskap i Havyard Group.
Det europeiske reiarlaget har mellom anna etterspurt Havyard si evne til å lage ein digital tvilling av skipet og sette det i drift på et virtuelt hav, for å kunne teste mange ulike løysingar på kort tid.

Hydrogen- og miljø-satsing

Havyard-konsernet etablerte selskapet Havyard Hydrogen i fjor haust. Datterselskapet skal levere komplette system for bruk av hydrogen om bord på skip.

Ikkje lenge etter at etableringa av Havyard Hydrogen vart varsla, melde Havyard Group at konsernet vurderer å skille ut og samle fleire datterselskap; Havyard Hydrogen, Havyard Design & Solutions, Norwegian Electric Systems og Norwegian Greentech, i eit eige selskap - og notere det på Oslo Børs.