Havyard inn i arbeidsbåtmarknaden

Den 23 meter lange båten er langt mindre enn Havyard normalt byggjer ved verftet i Leirvik, men no gjeld det å ta det ein får, i følgje ei pressemelding frå selskapet.
- I dagens marknad handlar det om å vere relevant og tilbyd dei produkta kunden vil ha, seier salssjef Lars Conradi Andersen i pressemeldinga.

Kan bli meir

Kontrakten mellom Havyard Ship Technology og skotske Inverlussa Marine Services gjeld i første omgang eitt farty for levering i april 2017, men reiarlaget har opsjon på å bygge ytterlegare eitt farty for levering i tredje kvartal neste år.
Målet for verftet er at kontrakten også skal bane veg for ytterlegare oppdrag i arbeidsbåtmarknaden.

Kurshopp

Offentleggjeringa av kontrakten ført til oppgang i Havyard-aksjen på Oslo Børs. Straks børsmeldinga kom spratt kursen i veret, frå 8,90 kroner pr. aksje til 9,56 kroner pr. aksje.
Klokka 13:35 er kursen 9,25, ein auke på 3,93 prosent sidan børsslutt i går.