Havila-aksjen går

- Det er sjølvsagt gledeleg at kursen stig. Men det er ikkje børskursen vi lever av.
Det seier adm. dir. Njål Sævik i Havila Shipping.
Fredag var aksjen klar børsvinnar. Også måndag har aksjen vore på toppen av vinnarlista.

Dobling

Måndag er aksjen handla til kurs 6,47 kroner på topp. Dette prisar Herøy-selskapet til 153 millionar kroner.
Så seint som 20. desember var kursen på 3,11 kroner, noko som prisa selskapet til 74 millionar kroner.
For eitt år sidan var verdien 272 millionar kroner, og børskursen 11,48 kroner.

- Ingen endring

Njål Sævik seier at selskapet ikkje har endra syn på marknadssituasjonen.
- Nei, vi har den same oppfatninga av situasjonen som det vi tidlegare har kommunisert til marknaden.
Ved lunsjtider måndag har kursen falle litt tilbake. Aksjen vert handla til rundt 6,00 kroner aksjen.