Har sett av sju dagar til Fjord1-rettssak

- Vi meiner vi at vi har ei god sak, seier Per Sævik.
Sju dagar er sett av til rettssaka i Førde mellom Sævik-selskapet Havilafjord og Sogn og Fjordane fylkeskommune. Striden dreier seg om korvidt Havilafjord hadde forkjøpsrett då fylkeskommunen med ei røyst overvekt vedtok å selje sine aksjar i ferjeselskapet til Fjord1-konkurrenten Torghatten.
Sidan dette er ei prinsipielt viktig avklaring i forhold til Aksjelova og minoritetseigarar sine rettar, kan striden fort ende i Høgsterett.

Vil krevje at fylkeskommunen sel

Det kan også spørsmålet om løysningsrett/forkjøpsrett. Om retten seier ja til at Havilafjord hadde forkjøpsrett på dei fylkeskommunale aksjane, vil Havilafjord krevje at fylkeskommunen sel sin aksjepost til Havilafjord. I så fall vert Havilafjord eineeigar av Fjord1.
Det er Wikborg & Rein som har saka på vegne av Havilafjord med advokat Dag Steinfeldt og Stein Pettersen.
Per Sævik seier at det er ikkje noko som tyder på at rettssaka vert droppa om det skulle vise seg at Konkurransetilsynet stoppar oppkjøpet.
- Nei, førebuinga til rettssaka går sin gang, men vi er sjøvsagt svært spente på utfallet i Konkurransetilsynet, seier Sævik.
Seinast 12. mai skal Konkurransetilsynet kome med endeleg vedtak. Det kan anten verte ja, nei eller ei mellomløysing der ein seier ja på visse vilkår.

- Betydeleg svekka konkurranse

Fleire tunge høyringsinstansar åtvarar mot at Torghatten får overta kontrollen over Fjord1.
Mellom dei er Statens Vegvesen som viser til at ei samanslåing av Fjord1 og Torghatten vil føre til at ein får ein aktør som kontrollerer i overkant av 60 prosent av heile ferjeflåten.
«En foretakssammenslutning som beskrevet i ‘meldingen’ vil slik Statens Vegvesen ser det svekke konkurransen betydelig i det norske ferjemarkedet,» vert det fastslått.
Også vegdirektør Terje Moe Gustavsen er klar på at Konkurransetilsynet må stoppe handelen.
Under ein transportkonferanse i Skei i Jølster i slutten av april sa Moe Gustavsen ifølgje avisa Firda at et sal av Fjord 1 til norges største transportselskap, vil bety eit dyrare og dårlegare ferjetilbod.
- Og det er staten, fylkeskommunen og dei reisande som må bere kostnaden.

Utbyteavtale

Ifølgje dokument som har fått tilgang til, har fylkeskommunen og Torghatten vorte samde om at det skulle betalast null i utbyte av overskotet på 217 millionar kroner i fjor.
Normalt ville eit overskot på 217 millionar kroner i Fjord1 ha gitt fylkeskommunen eit utbytte på rundt 65 millionar kroner, medan minoritetseigar Havilafjord ville fått ca 44 millionar kroner.
No opnar fylkeskommunen likevel å opne for at det vert tatt ut utbyte, sjølv om Konkurransetilsynet seier nei.
Til Firda seier fylkesordførar Jenny Følling (Sp) at utbyteavtalen med Torghatten ikkje var laga for å skvise minoritetseigar Per Sævik.
- Nei, nei. Pengane vil ligge i selskapet, og vil også kome han til gode, seier Følling til Firda.

- Lite sympatisk

Per Sævik har ei heilt anna oppfatning.
- Eg har hatt ei svært lang karriære i forretningslivet. Denne utbyteskvisen som fylkeskommunen har vore med på, er noko av det minst sympatiske eg har opplevd.
- Det kan ikkje herske tvil om at det har vore ei hensikt med dette, og det har vore å skvise Havilafjord og våre interesser.