Nett.no Logo
Mega menyMega meny

BLI ABONNENT PÅ NETT NO

Hold deg oppdatert på alt som rører seg i næringslivet på Nordvestlandet!

Med abonnement hos oss får du tilgong til NETT NO på alle digitale plattformer. 

Eit månadsabonnement mot betalingskort kostar kr. 129,- 
Eit årsabonnement mot faktura kostar kr. 1.399,- 

Kontakt Magnus på tlf 95247209 / magnus@nett.no for eit godt tilbud på fleire abonnement til di bedrift. 

129,- pr. mnd.
Har plan om å vekse til ein «betydeleg industriell aktør»

LOGOEN PÅ PLASS: Jogeir Romestrand (t.v.) og Håvard Haanes har samarbeida sidan Romestrand tilsette gjerdsvikingen som salssjef på Odim i 1997. No skal dei jobbe saman som styreleiar og dagleg leiar i Entec Group. Torkjell Ringstad frå Evotec (med ryggen til) er assistent for anledninga. 

Har plan om å vekse til ein «betydeleg industriell aktør»

Håvard Haanes og Jogeir Romestrand er sentrale når Entec Group riggar seg for vekst. Men det er ikkje eit forsøk på å skape eit nytt Odim, påpeiker Romestrand.

Denne veka vart det kjent at Evotec kjem inn under paraplyen til Entec Group, saman med Brimer og Servitech. Dermed er Entec i Ulsteinvik eit konsern med tre heileigde driftsselskap.

PÅ PLASS: Jogeir Romestrand (t.v.) og Håvard Haanes med logoen til Entec Group som snart skal monterast over Evotec-namnet, der det inntil nyleg lyste Kongsberg. 

Til saman har selskapa kring 170 tilsette og ein omsetnad på kring 300 millionar. Målet er å vekse både når det gjeld folk og ulike marknader.

–  Vi ønskjer å bygge eit større og sterkare konsern basert på Sunnmøre, og vi har ambisjonar om å verte ein betydeleg industriell aktør, fortel administrerande direktør Håvard Haanes i Entec Group til NETT NO.

Trur den maritime nedturen er over
Entec Group vert eigarselskapet og Haanes er framleis dagleg leiar i Brimer og Servitech. Det har han vore sidan samanslåinga av dei selskapa i fjor. Steinar Abelvik med bakgrunn i Kongsberg-systemet, har dei siste åra vore dagleg leiar i Evotec.

SAMARBEID: – Grovt sagt lagar Brimer runde ting som held på veske eller anna flytande i ein tank. Vi møtte Servitech på fleire prosjekt der dei monterte og installerte rør og slikt. Så starta vi snakke saman, seier Håvard Haanes om korleis samarbeidet oppstod. 

– Vi meiner timinga er viktig. Det er vanskeleg å seie om det vert så fantastisk framover, men vi trur den maritime bransjen har dei tøffaste åra bak seg, held Haanes fram.

Les også: Evotec inn i Entec Group

Jogeir Romestrand kjøpte Evotec etter at Kongsberg vart tvungne til å selje grunna konkurranseforhold. Samstundes som Romestrand var ute etter nokon som stod sterkare på servicedelen, søkte samanslåtte Brimer og Servitech samarbeid med ein større utstyrsleverandør, fortel Haanes.

– Vi kallar det enkelt for Entec, der «En» står for «environment» og «tec» for «technology». Så har vi staka ut ein kurs for korleis vi kan bygge eit større konsern, seier han.

Les meir: Kongsberg-gevinst på Evotec-sal

Jogeir Romestrand kjøper Kongsberg Evotec

Starta saman i Odim
Romestrand og Haanes har ei lang historie med ulike samarbeid bak seg. Romestrand har mellom anna vore Haanes sin styreleiar i Brimer, og dei har vore saman i styret til IL Hødd. Det starta heilt tilbake ved Odim-eventyret.

– Håvard og eg jobbar godt i lag og utfyller kvarandre. Eg tilsette Håvard som salssjef i Odim i 1997, seier Romestrand.

Odim-bedrifta vart kjøpt av Rolls-Royce Marine, og sidan Kongsberg. Etter at Odim vart kjøpt opp i 2010, gjekk fleire tilsette ut og starta Evomec, som seinare vart til Evotec.

– Fleire bein å stå på
Romestrand meiner det ikkje er rett å samanlikna Entec-satsinga med Odim.

OUTSOURCING: Jogeir Romestrand påpeiker at dei er systemorienterte og at dei aldri vil tilsette 30 sveisarar til ein produksjon. – Det vil vi outsource så nær kunden som mogleg, seier han. 

– Dette er ikkje eit forsøk på å skape eit nytt Odim. Tidene forandrar seg og vi må forandre oss med dei. Eg driver med investeringar og då byr det seg ulike mulegheiter. Det fine med Entec er at vi har fleire bein å stå på, også ser vi synergiar ved å samordne ein del ting, seier han.

Evotec er store på vinsjeløysingar, Brimer lagar kar og tanker i komposittmateriale og Servitech har si styrke på  maritime røyrinstallasjonar.

Meir om selskapa: Brimer over kneika

God start for 'nye' Evotec 

Sterk vekst for femåringen Servitech

Vil oppbemanne i Ulsteinvik
Entec-logoen er i desse dagar på veg opp på «Evotec-bygget» i Saunesmarka. Der er herifrå dei ser føre seg at mange av dei nye arbeidsplassane vil kome. Her har dei også god plass i produksjonshallen.

– Vi vil auka bemanninga her. Det vil vere snakk om ingeniørar, prosjektleiarar, servicefolk og andre tilsette, seier Romestrand utan at han vil talfeste det i pressa.  

Axxis Geo Solutions: – Perfekt timing for børsnotering

Vatn, avløp og meir service
Konsernet vil ha ein maritim divisjon og ein prosessdivisjon Men dei tre selskapa skal halde fram som eigne varemerke og driftast som før. Skilnaden er vekstambisjonane.

– Vi har som ambisjon om å bli marknadsleiar i dei segmenta vi er inne i. Vi ser vi vekst i meir eller mindre alle område Evotec er inne på. Til dømes ser vi også vekst på kommunalteknisk sektor med reinsing av vatn og avløp. Der har vi unik teknologi med Brimer og Servitech, seier Romestrand.

Service er eit anna utpeika vekstområde, der særleg Servitech i større grad vil drive oppfølging i tillegg til å installere utstyret.

Siste artikler

Helland hentar pengar til nytt selskap

Helland Møbel skil ut velferdsteknologisatsinga i eit eige selskap, og er ute etter medinvestorar.

Pengane renn ut av Olympic Subsea

Bokført eigenkapital er negativ og selskapet er i brot med lånevilkåra. No håper Olympic Subsea å få ny avtale med långivarane til 1. september.

Vard skal vere utsett for datavirus

Verftskonsernet skal vere utsett for eit alvorleg angrep.

Trappar opp satsinga på hydrogenløysingar

Meiner at Kina-avtale vil opne kjempemarknad for Hexagon Composites.

Får miljøvennlig havnebåt fra Ålesund

Maritime Partner skal levere hybdridfartøy til Oslo Havn. Prisen er 15,1 millioner.

Kritiserer Nav for dagpenge-sommel

Nav gir ikkje full gass for å utbetale dagpengar, meiner Jan Thormodsæter i Martim forening for søre Sunnmøre. Nav behandlar seks gangar så mange saker om dagen som i fjor, seier Nav. 

NETT NO
Ansvarleg redaktør: Ogne Øyehaug
Ansvarleg redaktør: Kjetil Haanes
Dagleg leiar: Eirik Staurset

Utgivar:
Bakkar og Berg Media AS
Pb. 142
6099 Fosnavåg

Kontakt:
Redaksjon: redaksjon@nett.no / Tlf: 95 77 97 27
Annonse: annonse@nett.no / Tlf: 95 24 72 09
Abonnement: abonnement@nett.no / Tlf: 95 24 72 09
Tips: tips@nett.no

NETT NO arbeider etter Ver Varsam-plakaten sine normer for god presseskikk og Tekstreklameplakaten sine normer for skilje mellom redaksjonelt stoff og reklame/sponsing. Alt innhald på NETT NO er opphavsrettsleg verna. NETT NO har ikkje ansvar for innhaldet på eksterne nettsider som det blir lenka til.