Isowest på Sula utfører isolerings- og innreiingsoppdrag på skip og landanlegg, i tillegg til montering av kjøle- og fryserom m.m. til fiske- og næringsmiddelindustri.
Selskapet fekk i fjor ei omsetning på 37,9 millionar kroner, mot 37,1 millionar i 2016. Resultatet før skatt var 4,4 millionar kroner i fjor, mot 3,7 millionar året før (sjå tabell).

Rekna med lavare aktivitet

Dagleg leiar Roy Kåre Indrevåg sa til NETT NO i 2015 at dei merka lavare aktivitet på verfta, og at dei rekna med at 2015 vert eit år med nedgang i aktiviteten men at dei likevel var optimistiske.
- Vi har etter kvart også mange jobbar ved ulike landanlegg, sa han.
Les også:
Omsetninga og resultatet har sidan dette auka igjen, og var i fjor oppe på toppnivåa i 2014 og 2015 igjen.
Isowest har dei siste fem av seks åra hatt ei omsetning på +-35 millionar kroner, og eit resultat før skatt som har variert mellom 2,8 og 4,7 millionar kroner.

Fleire segment

Indrevåg eig bedrifta saman med Frank Storhaug Fylling, Geir Dybvik og Ivar LeonUrke.
Isowest held til på Eidsnes og hadde i fjor fjorten årsverk.
- Når det gjeld skip er det i stor grad reperasjonsmarknaden vi har konsentrert oss om. I første rekkje har vi hatt oppdraga på Fiskerstrand Veft, Vegsund Slip og Fyllingen Slipp, men også mange oppdrag direkte til reiarlag. Og så må vi også nemne at Hurtigruten er ein stor kunde, sa Indrevåg i 2015.
Selskapet har i tillegg satsa på montering av kjøle- og fryserom til fiskeindustrien og annan næringsmiddelindustri.
- Her leverer vi både prefabrikerte og plassbygde løysingar, sa Indrevåg.