Fryktar koronaeffekten ikkje er over

- Eg har ikkje trua på at desse koronagreiene er heilt over enno, så eg er ikkje heilt sikker på det spørsmålet, svarar Toyota Nordfjord og Førde-sjef Ørjan Solvang på spørsmål om korleis det økonomiske resultatet blir for 2020.
Selskapet driv bilsal- og - verkstad i Måløy, Stryn og Førde, og har i fleire år vore blant dei mest lønsame forhandlarane på Nordvestlandet.
Dei fire første månadane i år starta med eit sal langt over budsjett, 134 signerte nybilkontraktar mot budsjetterte 98, i følgje årsmeldinga for 2019. Men koronaepidemien og tiltaka mot den råka også Toyota Nordfjord og Førde. I ein månads tid var det merkbart stille, og sjølv om det i dag er omlag normal drift er inntektene så langt i år omlag på same nivå som på same tid i fjor, ifølgje Solvang.

Invester i eigedom

I tillegg til å selje og reparere bilar investere Toyota Nordfjord og Førde i eigedom.
Tidlegare i år sto eit næringbygg til 40 millionar kroner ferdig i Dekenpollen ved Måløy. Bygget er leigd ut til Mowi og ein Byggfagbutikk eigd av entreprenørselskapet Dragebygg.
I haust startar bygginga av ei bustadblokk med 11 leiligheiter i same område. Det er eit prosjekt der Toyota Nordfjord og Førde eig halvparten, saman med Dragebygg, som står for utbygginga. Planen er å bygge i alt tre blokker.
i 2016 kjøpte Toyota Nordfjord og Førde sju mål næringsareal aust for Stryn sentrum. Der er der no eit nytt butikk-og verkstadsbygg, som selskapet nyttar.