Frifinning blir ståande

Dommen frå Frostating lagmannsrett blir ståande. Det er klart etter at Høgsterett har avvist anka i saka frå påtalemakta.
I Sunnmøre tingrett vart reiarlaget dømt til å betale ei bot på 700.000 kroner, men lagmannsretten sette bota til side. Når anka er forkasta, betyr at det dommen frå Frostating er rettskraftig.

Glad for å sjå framover

Reiar Tormund Grimstad er glad for at saka no er endeleg avgjort, og at reiarlaget kan sjå framover. Via sine advokatar kjem Grimstad med følgjande utale måndag:
«Vi har hele tiden vært trygg på at rederiet ikke kunne gjort noe annerledes for å unngå den tragiske ulykken. Lagmannsretten konkluderte tydelig med at rederiet ikke kunne lastes for ulykken, og vi er fornøyd med at dette nå er endelig fastslått. Sikkerheten til våre ansatte har og vil alltid være rederiets høyeste prioritet. Vi vil fortsette det målrettede arbeidet med å sikre trygge arbeidsforhold og arbeidshverdager for alle våre ansatte».
Advokat Henrik Grung seier at han er nøgd med at Høgsterett var samrøystes i si avgjerd. Reiarlaget har krevd sakskostnader som skal avgjerast av lagmannsretten.

Avtale med etterlatne

Utgangspunktet for rettssaka var at ein av mannskapet døydde 10. juni 2018 under arbeid i ein tank der det hadde danna seg gass.
Lagmannsretten kom fram til at risikoen var handtert godt ved rutine og sjekkliste for entring av lukka rom. Dei viste også til at faren for at det kunne oppstå gass kunne ha vore meir tydeleg kommunisert.
Reiarlaget kom før saka kom opp i lagmannsretten, til ein avtale med ei etterlatne til fiskaren.

Døydde i tank

Den avdøde fiskaren tok seg inn i tanken i samband med vask av tank som inneheldt restråstoff frå fisk.
I tingretten korleis fiskaren verka å svime av kort tid etter han gjekk inn i tanken og blei liggande med hovudet under ensilasjerestane i fleire minutt før han døydde.

Les også

: