Framleis tungt i Vard
DYRT: For Vard Aukra (i bakgrunnen) vart satsinga på mindre fiskebåtar og arbeidsbåtar til oppdrettsnæringa ikkje økonomisk vellukka. (Biletet er tatt i samband med ei fartyoverlevering i 2018, tapa det er referert til i artikkelen er for 2019).
Nytt

Framleis tungt i Vard

Satsinga på bygging av mindre fiskebåtar og arbeidsbåtar til oppdrettsnæringa gav Vard-eigar Fincantieri over 190 millionar kroner i tap i årets ni første månadar. Avviklar verftet i Brevik.

08.11.2019
Det er reknskapsrapporten for tredje kvartal som fortel tala bak at Fincantieri-eigde Vard nyleg kasta inn handkleet og gav opp skipsbyggingsverksemda i Vard Aukra der omlag 80 tilsette blei råka.

Det var først og fremst hos Vard Aukra at Vard satsa på marknaden for mindre fiskebåtar og arbeidsbåtar til oppdrettsnæringa, ei satsing som gav 19 millionar euroa - cirka 190 millionar kroner - i underskot før av- og nedskrivingar (ebitda) i følgje kvartalsrapporten for første kvartal.

Også Vard Brevik blir avhenda, i følgje rapporten. 106 misser arbeidet det,

Tok inn tid, tapte pengar

Etter at det italienske storkonsernet Fincantieri i fjor fekk full kontroll i Vard og tok selskapet av børs er Vard omorganisert. Bygginga av offshorfarty og spesialfarty (som for eksempel fiskerbåtar) er samla i forretningområdet Offshore & specialized vessels, medan bygginga av mindre cruisebåtar er samla i forretningseining, "Vard cruise business unit". Eininga omfattar Vard-verfta i Romania og dei norske Vard-verfta som har spesialiserte seg på cruisefarty. "Vard cruise business unit" er ein dela av forretningområdet skipsbygging, som er det største i Fincantieri.

Også cruiseskipa som blir bygd hos Vard, gir tap - men dei tapa er ikke talfesta i kvartalsrapporten. Tapa er blitt større av at Fincantieri har sett inn folk frå konsernet i arbeidet med å ta inn tapt tid for å få skip ferdig i tide. Den negative konsekvensen er større kostnadar - og dermed større underskot.
Vard utgjer ein stor del av offshore og spesialfarty-verksemda, men ein mindre del av forretningsområdet skipsbygging - som går bra utanom Vard.

Omorganiserer på nytt

Då etterspørselen etter offshorfarty fall saman, svarte Vard med å satse på marknaden for mindre cruiseskip, fiskefarty, farty til oppdrettsnæringa og militærfarty, og spesialisere verfta for dei ulike marknadane.
Etter at Fincantieri fekk hand om så godt som alle aksjane - og Vard si omlegging ikkje gav overskot, blei det tidlegare i år varsla ytterlegare omorganiseringar.

Vard er det største verftselskapet i Noreg, med verft i Søvika, Brattvåg, Tomrefjord og Aukra på Nordvestlandet, Brevik i Telemark, og i Romania, Vietnam og Brasil.

Publisert: 08.11.2019 23:45

Sist oppdatert: 10.02.2021 14:44