Framleis nedgang i konkursar
SUNNMØRE TINGRETT: I år er det opna færre konkurssaker enn i fjor ved Sunnmøre tingrett.
Nytt

Framleis nedgang i konkursar

Trass i dystre spådommar går tala nedover. Sjekk konkursane i Møre og Romsdal og Vestland fylker for juni.

Marius Rosbach
02.07.2020
(NPK-NTB-NETT.NO): Det var 20 prosent færre konkursar i juni i år enn i fjor. Samla sett gjekk 608 bedrifter over ende i juni.
Konkurs- og tvangsavviklingstala har no gått ned i fire månader i strekk, skriv analyseselskapet Bisnode i ei pressemelding.
For første halvår som heilskap er det 8,8 prosent færre konkursar og tvangsavviklingar enn i fjor.

Også ned på Nordvestlandet

Utviklinga gjer seg gjelande også i fylka som Nordvestlandet er del av. Første halvår 2020 blei det opna konkurs i 92 selskap i Møre og Romsdal, mot 102 i same periode i fjor – ein nedgang på om lag ti prosent.
I Vestland fylke er det registrert 254 konkursar ved utløpet av juni i år. Same periode i fjor var det registrert 314 konkursar, ifølgje Brønnøysundregistera. Det er ein nedgang på nær 20 prosent.
I Møre og Romsdal var det 16 konkursar i årets junimånad, mot 20 i fjor. I Vestland fylke var det 63 konkursar i juni fjor, medan talet i år gjekk ned til 47.
(gå til oversikt under)

Les også:





Trur krisehjelp har effekt

– Både vi og andre ekspertar har forventa ein stor auke på grunn av koronakrisa, men hittil ser det jo betre ut enn på lenge. Det verkar ganske klart at pakkane til regjeringa med kredittar og støtte til faste kostnader har hatt ønskt effekt, seier kredittøkonom Per Einar Ruud i Bisnode.
Han legg til at dei framleis ventar ein auke i konkursar over sommaren.

Flest i bygg- og anlegg

Det er store forskjellar mellom bransjane. Hotell- og restaurantbransjen har hatt ein auke i talet på konkursar på 17,4 prosent.
Bygg- og anleggsbransjen, som har flest konkursar til saman, har ein firedel færre konkursar på årets seks første månader enn i fjor. Også detaljhandelen og lagring og transport har ein kraftig nedgang.

Opp i fem fylker

Dei fleste fylke har opplevd ein nedgang i talet på konkursar, med unntak av Oslo, Vestfold og Telemark og Troms og Finnmark. I sistnemnde fylke har talet på konkursar auka med heile 22,7 prosent samanlikna med fjoråret.
(ekstern lenke)
(ekstern lenke)

Les også:




Både vi og andre ekspertar har forventa ein stor auke på grunn av koronakrisa, men hittil ser det jo betre ut enn på lenge

Publisert: 02.07.2020 08:01

Sist oppdatert: 10.02.2021 14:59