Formfin gir gass i hagen

- Det har vore veldig, veldig stor interesse og vi har fått veldig gode tilbakemeldingar, seier Aanning Aarseth om responsen etter at møbelprodusenten i Hundeidvika i Sykkylven i mars lanserte ein eigen utemøbelkolleksjon i samarbeid med Hageland-kjeda.

Satsinga var ei pilotprosjekt, der Skattefunn-ordninga, Innovasjon Norge og Næringsfondet i Sykkylven har vore med på finansieringa. Når pilotoprosjektet blir avslutta no i oktober er konklusjonen klar, Formfin skal satse meir på denne marknaden.
- Det vil bli eitt av hovudprodukta, seier Aanning Aarseth.

For lite marknadsføring

Formfin er allereie i gang med å utvikle nye utemøbel-modellar for å nå andre marknadar enn gjennom Hageland-kjeda. Målet er å kunne ha dei nye modellane klare for marknaden til neste sommar.
Også samarbeidet med Hageland skal utvidast. I første omgang har pilotprosjektet omfatta 12 butikkar i Hagelandkjeda. No blir distribusjonen utvida til 30-40 butikkar i kjeda.
Marknadsføringa blir også styrka etter erfaringane frå pilotprosjektet. Det må meir trykk til, spesielt gjennom sosiale medier.

Bedre i år

2016-reknskapen for Formfin er den første Aanning Aarseth la fram etter at ho blei Formfin-sjef tidlegare i år.
Tala (sjå tabell) er prega av tøff konkurranse i marknaden, men og av ein gjennomgang av selskapet i samband med sjefsskiftet.
Så langt i år ligg selskapet an til ei klart betre resultat, men det er for tidleg å svare på om det blir pluss eller minus, i følgje Aanning Aarseth.