Flyttar inn i same bygg som Havila

- Dette er heilt tilfeldig. Vi har leigd lokale hos Havyard, som held til i etasjen under Havila Shipping, seier Åge Remøy.
Remøy måtte flytte ut av Rem Offshore-kontora i Fosnavåg etter at Rem vart ein del av Solstad, og Åge Remøy sjølv starta reiarlaget In Nor Vest saman med islendingen Thorsteinn Mar Baldvinsson og svensk-sveitsiske Magnus Roth.
Trioen har lagt 500 millionar friske millionar kroner på bordet for å byggje opp eit nytt offshoreselskap med base i Fosnavåg.

Vil vekse

Åge Remøy seier at selskapet har leigd ein fjerdedels etasje i Diamanten.
- Vi har leigd med Havyard, ettersom dei ikkje lenger hadde behov for heile arealet.
Han seier at lokala er godt tenlege.
- Vi planlegg for vekst, og vi ser på desse lokala som godt eigna for vårt formål.

Avviser Havila-kopling

Remøy avviser derimot at lokaliseringa inneber planar om eit tettare samarbeid med Havila Shipping.
- Nei, plasseringa har ingen ting med noko slikt å gjere.
- Vi hadde behov for kontor, og fann beste kontora her. Så enkelt er det.