Nett.no Logo
Mega menyMega meny

BLI ABONNENT PÅ NETT NO

Hold deg oppdatert på alt som rører seg i næringslivet på Nordvestlandet!

Med abonnement hos oss får du tilgong til NETT NO på alle digitale plattformer. 

Eit månadsabonnement mot betalingskort kostar kr. 129,- 
Eit årsabonnement mot faktura kostar kr. 1.399,- 

Kontakt Magnus på tlf 95247209 / magnus@nett.no for eit godt tilbud på fleire abonnement til di bedrift. 

Teikn ditt månadsabonnement i skjemaet under.

129,- pr. mnd.
 Flytta heim og skapte sin eigen arbeidsplass

SELJE: Blåmyra-kvinnene er klare, frå venstre Maria Vengen, Therese Lien Smenes og Sunniva Djupedal.

Flytta heim og skapte sin eigen arbeidsplass

Alle tre flytta heim til Selje med ein draum om å byggje si eiga bedrift og løfte fram kysten. Resultatet vart designstudioet Blåmyra.

- Blåmyra er eitt av fleire norrøne namn på havet. På same måten som dei gamle sjøfararane som kryssa det blå djupet, er vi eventyrlystne og vil gjerne utforske det som skjuler seg bak horisonten.

BLÅMYRA: Designstudioet held til i det over 100 år gamle Hovehuset i sentrum av Selje. F.v. Therese Lien Smenes, Maria Vengen og Sunniva Djupedal.

- Og vi er slett ikkje redde for det ukjende.

Det seier Sunniva Djupedal, som saman med Therese Lien Smenes og Maria Vengen har laga sin eigen arbeidsplass midt i Selje sentrum. Her leiger dei det over 100 år gamle Hovehuset.

Kystkvinner
Men det starta med at dei var involverte i ulike arrangement og prosjekt etter at dei kom heim, og byrja å snakke om at det hadde vore spennande å gjere noko saman.

- Vi brenn alle for kysten, og fann fort tonen saman. Vi er alle inspirerte av kystkvinnene, seier Therese Lien Smenes.

- Eg gler meg. Vi er alt i gang med spennande prosjekt, seier Maria Vengen.

Oppdrag for New York Times
Dei tre har ulik bakgrunn, men har det til felles at dei har budd vekke frå Selje, men har valt å flytte tilbake til Selje og Stad.

Sunniva Djupedal er utdanna grafisk designar, og har 15 års bakgrunn i strategisk design og utvikling av visuelle identitetar, blant anna som senior designar ved byrå som ANTI, Scandinavian Design Group og Tank i Oslo.

Fem år budde ho i New York, og hadde blant anna designoppdrag som Art Director ved New York Times. 

No bur ho saman med familien på Stad.

- Det er ikkje så langt frå New York til Stad som ein skulle tru. Begge stader har sin heilt spesielle identitet, seier ho.

Positiv utvikling
Therese Lien Smenes har budd i Oslo, Bergen og Ålesund, men flytta saman med familien heim til Selje for åtte år sidan.

Ho er utdanna innan marknadsføring og prosjektleiing og vore involvert i ei rekkje prosjekt, mange knytte til reiseliv, slik som planane om nytt havhotell i Selje.

- Det skjer utruleg mykje spennande i regionen, og det er inspirerande å få vere med på å bidra til denne positive utviklinga.

Også Maria Vengen søkte seg heim etter nokre år i utlegd. Ho er utdanna språkvitar, og har blant anna vore dagleg leiar i Stiftinga Sankta Sunniva, Selja og Stad, som har koordinert reiselivsaktiviteten i Selje kommune.

- Utruleg spennande, men no var tida inne til å skape noko sjølv, seier ho.

Stor breidde
Dei tre meiner at dei fyller dei fleste oppgåver, med ein grafisk designar og strategisk rådgjevar, ein språkvitar og tekstforfattar, samt ein prosjektleiar og kundekontakt.

- Og om vi treng ekstra spisskompetanse, finst det nær oss.

Dei reklamerer med at dei kan ta på seg alt frå konseptutvikling, namneprosess og innhaldsproduksjon, til visuell identitet, digitale løysingar og gjennomføring av aktivitetar og arrangement.

- Vi kjem også etter kvart til å utvikle våre eigne produkt, seier Sunniva Djupedal.

Berekraft
Ho viser til at det er ein fordel med ein liten, men smidig organisasjon.

- Vi kan ta på oss eit stort spekter av oppdrag, og ønsker å skape ein meirverdi for dei bedriftene og organisasjonane vi representerer.

- I tillegg er vi opptatt av berekraft, og vil rådgje våre kundar til å gå for framtidsretta, miljøvenlege og berekraftige løysingar.

Dei tre kystkvinnene starta opp designstudioet rett etter sommaren. Dei har alt fått sine første oppdrag, spesielt knytt til konseptutvikling for Selje kommune.

Therese Lien Smenes seier at ein håper å få kundar langt utanom Selje og nye Stadt kommune.

- Vi tenker både oppover og nedover langs kysten, i tillegg til inn i fjordane.

- Vi er klare!

Siste artikler

Spenning i kraftmarknaden

To uventa hendingar skipla marknadsbiletet frå time til time, men kraftprisen dalar.

Nesvik orienterer om Brexit

Kjem til Ålesund for å informere næringslivet om Brexit-status.

- Endeleg kan det verte slutt på kliss våte reisande

Dagleg leiar Jan Thormodsæter i Mafoss jublar for planane om ny hurtigbåtkai på Vigra. Han er grundig lei meldingar om kliss våte reisande.

Leiar kappløpet om første hybride brønnbåt

Rostein ligg eit båtlengd føre i konkurransen om å ta i bruk ein hybrid brønnbåt. Men konkurrentar nordpå kjem i kjølvatnet.  

Fisk tidlig i livet reduserer faren for sykdommer

Det skal ikke så mye fisk til for at små barn skal få store helsegevinster. Fisk minst én gang i uka gir allerede gode resultater.

Hofseth Aqua vil doble slaktevolumet

Har oppgradert slakteriet i Ålesund sentrum etter storoppdrag for Skodje-selskap.

NETT NO
Ansvarleg redaktør: Ogne Øyehaug
Ansvarleg redaktør: Kjetil Haanes
Dagleg leiar: Eirik Staurset

Utgivar:
Bakkar og Berg Media AS
Pb. 142
6099 Fosnavåg

Kontakt:
Redaksjon: redaksjon@nett.no / Tlf: 95 77 97 27
Annonse: annonse@nett.no / Tlf: 95 24 72 09
Abonnement: abonnement@nett.no / Tlf: 95 24 72 09
Tips: tips@nett.no

NETT NO arbeider etter Ver Varsam-plakaten sine normer for god presseskikk og Tekstreklameplakaten sine normer for skilje mellom redaksjonelt stoff og reklame/sponsing. Alt innhald på NETT NO er opphavsrettsleg verna. NETT NO har ikkje ansvar for innhaldet på eksterne nettsider som det blir lenka til.