Fleire bedrifter når taket

Den nyaste rapporten frå Noregs Bank sitt regionale nettverk, som blei langt fram i dag, viser ein klar auke i aktiviteten i næringslivet samanlikna med då det såg som svartast ut etter oljeprisfallet i 2014.

I løpet av tre år er det blitt fire gangar så mange bedrifter som fortel om større eller mindre grad av kapasitetsproblem.

Taket nådd

- Det tyder på at dei har nådd det taket dei er skodd for i dag, seier senioranalytikar Snorre Hammerø Moen i Sparebank1 SMN.
Det eit godt stykke opp til toppen frå rett før finanskrisa i 2008/2009, då over 80 prosent av bedriftene svarte at dei i større eller mindre grad hadde kapasitetvanskar. Rundt årsskiftet 2012/2013 svarte over 60 prosent det same, men deretter fall talet på bedrifter som sa dei hadde meir enn nok å gjere ned til under ti prosent i 2015.

Får tak i folk

Kapasitetsutfordringane er imidlertid ikkje større enn at talet på bedrifter som opplyser at tilgangen på arbeidskraft begrensar produksjonen er på omlag same nivå som seinhausten 2015, åtte-ni prosent.
Både før finanskrisa og under finanskrisa og før og etter oljeboomen fram til 2014 svinga talet på bedrifter som sa dei hadde ulik grad av kapasitetsvanskar i takt med bedrifter som sa at det var mangel på folk som hemma produksjonen.
Frå og med hausten 2015 desse to indikatorane på temperaturen ikkje svinga i takt i Møre og Romsdal og Sogn og Fjordane. Hammerø Moen tolkar det slik at bedriftene framleis er varsame med å auke bemanninga.
- Dei avventar å auke kapasiteten fordi dei er usikre på om kapasitetsbehovet vil vedvare, seier han.