Flakk klatrar frå 170. til 119.plass på magasinet si årlege rangering av dei 400 rikaste i Noreg.
Fleire av nordvestlendingane over han på lista måtte sjå formua si blir redusert eller stå stille i fjor, men ei dobling av verdien på aksjane i Hexagon Composites har gjort dei siste 12 månadane gode for Flakk og familien.
Hexagon Composites lagar drivstofftankar og store transportable tankar i komposittmateriale for naturgass og hydrogen (hydrogenverksemda er i ferd med å bli skilt ut i eit eige selskap). Flakkfamilien er nest største aksjonær i selskapet.

Ser på kven som bestemmer

Kapital vurderer marknadsverdien av det dei som står på liste eig, og presenterer lista mellom anna som eit korrektiv til tala i dei årlege skattelistene.
Når det er snakk om familiar, blir formua plassert hos den Kapital meiner bestemmer - uavhengig av det formelle eigarskapet. Det gjer mellom anna at Per Sævik har ei formue på fire milliardar kroner (ned frå 4,15 milliardar), sjølv om han berre eig 10 prosent i familieselskapet.
Sævik har fleire nordvestlendingar over seg på lista; Kjell Inge Røkke på 6. plass med 27,5 milliardar i formue (ned åtte milliardar), Bjørn Rune Gjelsten på 14. plass med 13,5 milliardar i formuen (opp 2,1 milliardar) Lars Wenaas, som deler 14. plassen med Gjelsten etter eit fall i formue på 3,6 milliardar kroner frå i fjor og Olav Nils Sunde på 43. plass med 5,25 milliardar i formue (ned med 4,25 milliardar).
Av desse er det berre Sævik og Wenaas som bur på Nordvestlandet.

Brønnbåt-reiarar

Formuen til brønnbåtreiarane Odd Einar Sandøy i Rostein (nummer 117, med 2,8 milliardar i formue) og Roger Halsebakk i Sølvtrans (nummer 155 med 2,1 milliardar i formue) er vurdert til å vere omlag uendra.
Rune Stokke er på 121. plass med 2,65 milliardar (opp med 250 millionar).
Det er og formuen til Brødrene Sunde-eigar Karl Johan Sunde (nummer 179 med 1,95 millardar i formue)
På lista er og Geir Egil Roksvåg i Nordfjord Kjøtt (nummer 211, 1,65 milliardar kroner i formue), Anders Pedersen (nummer 214, 1,6 milliardar), Nils Wenaas (nummer 231, 1,5 milliardar), Hans Joakim Giørtz (nummer 262 1,3 milliardar); Bjarne Haagensen (nummer 262, 1,3 milliardar) og Inge P. Huse (nummer 348, 1 milliard).