Fjord1 prisa til 3,1 milliard kroner

Den første handelen i Fjord1-aksjar skjedde til 31 kroner pr., aksjen då marknadsplassen Merkur Market opna i dag. Den kursen verdset selskapet til 3,1 milliardar kroner.
I samband med børsnoteringa forplikta Havilafjord seg til å selje ut 49 prosent av aksjane i selskapet. Det salet skjedde til 29 kroner aksjen og prisa selskapet til 2,9 milliardar kroner.
Havilafjord er eit dotterselskap av Sævikfamiliens holdingselskap, Havila Holding.

Mellomstasjon

Merkur Market er ein marknadsplass på Oslo Børs med forenkla krav til selskapa som blir tatt opp til notering. Målet til Fjord1 er å bli tatt opp til notering på den ordinære børsen snarleg.
Etter at striden om reiarlaget var avgjort i fjor auka Havilafjord eigarskapet i Fjord1 frå 41 til 67 prosent, med rett til å kjøpe resten av aksjane - 33 prosent - frå Sogn og Fjordane fylkeskommune seinare. Den retten har Havilafjord utøvde i samband med børsnoteringa. Den totale prisen Havilafjord betalar for alle aksjane til fylkeskommunen er 1,065 milliardar kroner. Den prisen verdsette reiarlaget til 1,8 milliardar kroner.