Fire ferjesamband til Fjord1

Fjord1 skal trafikkere ferjestrekningane Sølsnes-Åfarnes, Molde-Sekken, Solholmen-Mordalsvågen og Aukra-Hollingsholm i Møre og Romsdal.
Kontraktsperioden frå tre av sambanda er frå 1. januar 2020 og for eitt av samband frå 1. januar 2022. Kontraktsperioden er på ti år, men om Møre og Romsdal fylkeskommune nyttar seg fullt ut av opsjonane er varer den siste av kontraktane ut 2033.
Kontrakten er på 2,3 milliardar kroner. Nest beste tilbod var over 150 millionar kroner dyrarare, i følgje fylkeskommunen.

To nybygg

Konsernsjef Dagfinn Neteland i Fjord1 seier reiarlaget skal bygge to nybygg og får bygd om fire andre ferjer til heilelektrisk drift for å drive dei fire sambanda.
Han anslår at det blir ei investering på til saman 600-700 millionar kroner og reknar med å ha plassert den første nybyggingskontrakten før 2018 er omme.
Dei største ferjene i sambanda skal romme 120 personbilar, dei minste 50 bilar.

Må bygge kaier

I samband med kontraktane skal det byggast nye kaier på strekninga Sølsnes-Åfarnes og ladestasjonar på alle ferjekaiene.
Møre og Romsdal fylkeskommune har ikkje offentleggjort noko kostandsoverslag for dei utbyggingane.
Samanlikna med dagens kostnadar blir drifta av dei fire sambanda årleg cirka 10 millioner kroner dyrarar i følgje fylkeskommunen.