Ferjemannskap med bekymringsmelding til direktoratet

NPK: Dei har no varsla Sjøfartsdirektoratet.
Tidlegare har det vore fem tryggingstilsette i tillegg til dagvakta om bord på strekninga. Det vil seia personar som kan ta seg av eventuelle nødsituasjonar og forsvarleg drift. Men i oktober vil talet på tryggingstilsette ifylgje bli redusert til fire: kaptein, maskinsjef, overstyrmann og matros. Det meiner dei tilsette er altfor lite.
– Etter vår meining er dette ei altfor lita bemanning til å gjera ei eventuell evakuering og elles driva båtane forsvarleg etter dei krava vi har i lovverket, skriv dei tilsette ifylgje avisa til Sjøfartsdirektoratet.
Det er Sjøfartsdirektoratet som har godkjent bemanninga på sambandet som Fjord1 frå nyttår tok over drifta av.

- Nye ferjer treng mindre mannskap

Regionsleiar i Fjord1, Tor Kristoffersen, viser på si side til at selskapet har båtar på same storleik med den same bemanninga andre stader, og at nyare og meir moderne ferjer krev mindre mannskap.
Han seier likevel at selskapet tek bekymringsmeldinga til dei tilsette på alvor.
Det same gjer Sjøfartsdirektoratet som alt har begynt å sjå på saka. Kommunikasjonsdirektør Dag Inge Aarhus seier at tryggingsbemanninga på ferjene blir bestemt ut frå søknadane som reiarlaga sender inn, og at Sjøfartsdirektoratet gjer det dei kan for at bemanninga skal vera i tråd med det som er forsvarleg.