Ferjegjennombrot for Sperre Coolers

Sperre Coolers skal lever kjøleanlegg til hovudmaskineri og batteripakkar på fem ferjer Torghatten skal bruke på strekninga Sandvikvåg-Halhjem i Hordaland.
Det er den første kontrakten for anlegg til hovudmaskineri og batteri på ferjer som Sperre Coolers har inngått.
- Sperre Coolers hadde sitt utspring i offshoremarknaden. Vi har dei siste åra satsa meir og meir inn mot nye segment, seier administrerande direktør Dag Vikestrand i Sperre Coolers.

Håpar på cruise

Kontrakten med Torghatten er på rundt fire millionar kroner. Det store poenget med avtalen er at det er første gang Sperre Coolers før eit større oppdrag utanom offshormarknaden. "Eit lite gjennombrot" seier Vikestrand om avtalen.
Han håpar selskapet snart kan offentlggjere fleire kontraktar, også for ekspedisjonscruise-skip og større cruiseskip.

Inn i oppdrett

Trass i tilbakegangen i offshoremarknaden auka Sperre Coolers driftsinntektene med 35 prosent i fjor.
Auken skuldast at selskapet har vunne innepass i oppdrettsnæringa.

Selskapet lagar varmevekslaranlegg som i utgangspunktet var tenkt til kjøling av skipsmotorar og anna utstyr på skip.
For oppdrettsnæringa er behovet stikk motsett. Den treng varme til avlusingsanlegg.
Sidan eit varmevekslaranlegg flyttar varme frå ein stad til ein annan, kan det også brukast til oppvarming, slik oppdrettarane spør etter, og varmevekslingsanlegg frå Sperre Coolers er i dag ein del av avlusningsanlegg for oppdrettslaks.