Fem millionar til skipstunnelen
Nytt

Fem millionar til skipstunnelen

Regjeringspartia kjem likevel med pengar på statsbudsjettet - sikrar at Stad skipstunnel framleis kan ha byggestart i 2021.

Marius Rosbach
12.11.2019
Regjeringspartia har blitt samde om å løyve 5 millionar kroner på Statsbudsjettet 2020 til å sikre framdrifta i vidare planlegging av Stad Skipstunnel.
Det betyr at førebuingane kan halde fram og at det framleis er mogleg å starte sjølve bygginga i 2021.
– Vi er glade og letta over at Høgre, Frp, Krf og Venstre på Stortinget no sikrar at framdrifta i arbeidet med Stad Skipstunnel kan halde fram, slik at det er mogleg med byggestart for Stad Skipstunnel i 2021 som føresett i Nasjonal Transportplan, uttalar Alfred Bjørlo (Venstre, ordførar i Stad kommune), Stein Robert Osdal (Krf, ordførar i Selje kommune), Geir Årvik (Høgre, Leiar i Samfunns- og næringsutvalet i Stad kommune) og Per Tore Borgund (leiar i Stad Frp) i ei felles pressemelding tysdag morgon.

Les også:


Stad Skipstunnel er det einaste store investeringsprosjektet innafor sjøtransport i Nasjonal Transportplan. Nedturen for då statsbudsjettet blei lagt fram tidlegare i år .
Både Ap og Sp har gitt signal om at dei ville gi sju millionar kroner, slik styringsgruppa for Stad skipstunnel bad om.
– Vi har framleis litt pengar att, men mykje vil stoppe opp om vi ikkje får sju millionar kroner av Stortinget til planleggingsmidlar for skipstunnelen, i samband med eit informasjonsmøte om prosjektet i Oslo førre veke.

Les også:




Målet med Stad Skipstunnel er å sikre ein trygg og føreseieleg seglas forbi Stad, som er det mest vêrutsette og farligaste havstykket langs norskekysten.
Stad skipstunnel vil bli 1,7 kilometer lang, 37 meter høg og 36 meter brei. Prosjektet har ei kostnadsramme på 2,7 milliardar kroner og er fullfinansiert i Nasjonal transportplan med føresett byggestart seinast i 2021.

Publisert: 12.11.2019 08:28

Sist oppdatert: 10.02.2021 14:44