Fekk viktig kontrakt med Lundin

- Vi set stor pris på å ha Lundin Norway som kunde. Det gode samarbeidet rundt miljøvenlege operasjonar er ekstra gledeleg, seier adm. dir. Håvard Ulstein i Island Offshore, i til selskapet.
Han viser til at Lundin Norway er ein kunde som stiller høge krav og utfordrar selskapa ein samarbeider med.
- Dette set vi pris på. Å velje reine LNG-skip er typisk for Lundin sitt fokus på miljø, og viser at selskapet tek på alvor måla om å redusere utsleppa, seier Ulstein.

LNG-fokus

96 meter lange og 20 meter breie Island Crusader er bygt i 2012.
Om bord er det mellom anna to store motorar som går på LNG – flytande naturgass.
I løpet av båten si levetid har båten gått langt meir på LNG-generatorane enn på dieselgeneratorane.
- Dette skipet slepper ut svært lite NoX, null SoX, null partiklar og 25 % mindre CO2. Kundane får både i pose og sekk ved at drivstoffet er billegare, samt at miljøavgiftene vert lavare.
- Island Crusader kosta Island Offshore 60 millionar meir å byggje enn om det var eit skip med konvensjonell framdrift, sa Ulstein til NETT NO etter at skipet vart lagt i opplag i 2016.

Opsjonar

Ifølgje ei melding frå Cosl Drilling er Cosl Innovator tildelt ein kontrakt for boring av ein brønn, med opsjon på ytterlegare åtte brønnar for Lundin Norway.
Etter det skipsmeklarhuset Clarkson Platou opplyser, går avtalen med Island Offshore ut på støtte Cosl Innovator under arbeidet med ein brønn, i tillegg til at selskapet har opsjon på ytterlegare fem brønnar.