Får likevel frakte fisk til Danmark

NPK: Dette sjølv om Nærings- og fiskeridepartementet har sagt nei.
Departementet må betale sakskostnader på 90.000 kroner, fortel .
Tingretten seier Nærings- og fiskeridepartementet har tolka matlova og kvalitetsforskrifta feil. Retten har derfor vedteke å mellombels setje til side vedtaket til departementet om å stogge Hav Lines nye skip, «Norwegian Gannet».

Rett frå merdane

«Norwegian Gannet» er konstruert for å hente fisk direkte frå merdane, slakte fisken om bord og frakte han direkte til verdsmarknaden via ein mottakssentral i Hirtshals.
Styresmaktene avslo derimot driftssøknaden fordi ein meinte krava til sortering av såkalla produksjonsfisk ikkje blir oppfylt.
Fisk med ytre sår eller misdanningar kan nemleg, ifølgje lova, ikkje eksporterast til utlandet fordi det kan skade ryktet til norsk fisk.
Bergen tingrett har altså kome til ein annan konklusjon.