Ekspedisjonsyacht til Kleven

Skipet blir 100 meter langt og kontrakten er inngått i samarbeid med tyske Lürssen, som er ein stor aktør innan design og bygging av store yachtar.
Sluttutrusting og innreiing vert gjort ved Lürssen sitt Blohm+Voss-anlegg i Hamburg, medan fartøyet vil bli bygd, teknisk sluttført og delvis utrusta ved Kleven Verft i Ulsteinvik.

Medeigar

Det tyske verftskonsernet Lürssen blei eigar av 11,1 prosent i Kleven i samband med refinansieringa og kapitalutvidingai Kleven tidlegare i haust.

- Med over 140 års historie i luksusyachtmarknaden, er Lürssen det desidert mest erfarne og kunnskapsrike selskapet i bransjen, og vi er stolte over at dei har valt Kleven som sin langsiktige partner for utvikling av framtidsretta, høgteknologiske fartøy. Dette første fartøyet skal blant anna ha ein stor og avansert batteripakke, seier konsernsjef Ståle Rasmussen i Kleven i ei pressemelding.

Store tap

Pressemeldinga oppgir ingen pris eller kjøpar av skipet.
Kleven måtte skaffe ny kapital og refinansiere selskapet etter store underskot dei to siste åra. I 2016 og 2015 er underskotet før skatt 579 millionar kroner.
Deler av Klevenfamilien gjekk inn med ny eigenkapital, og dei tilsette gjekk inn med ei lån til selskapet i samband med refinansieringa.