Dreg avtale i tvil

Den fem dagar lange rettsaka mellom Aker Biomarine og selskapa Rimfrost og Rimfrost Technologies starta i Søre Sunnmøre Tingrett i formiddag.
Storparten av første dag er sett av til innleingsforedraget til advokatfullmektig Lene E. Nygård og advokat Are Stenvik i advokatfirmaet Bahr, som representerer Aker Biomarine.

Strid om teknologi

Aker Biomarine kjøpte Juvel etter at krillselskapet Emerald Fisheries gjekk konkurs i februar 2017, men Rimfrost meiner retten til teknologien ombord ligg i Rimfrost og søsterselskapet Rimfrost Technologies.

Bak Aker Biomarine står det Kjell Inge Røkke-dominerte Aker, i Rimfrost/Rimfrost Technologies står Stig Remøy.

Tilhøyrer Aker uansett

Innleiiingsvis oppsummerte Stenvik at Aker Biomarine argumenterer for at avtalen om sal av teknologien frå Emerald Fisheries ikkje blei sette ut ut livet fordi panthavarane aldri godkjente salet, og at Emerald uansett har utøvd tilbakekjøpsretten til teknologien.
Nygård, Stenviks kollega, gjekk gjennom dokumentasjonen rundt handelen; epostar mellom partane, innkallingar til møte, møtereferat og protokollar i åra 2012 og 2013.
I følgje gjennomgangen til Nygård blei det først foreslått - i desember 2012 - at teknologien skulle seljast frå Emerald Fisheries til Olympic Seafood (no Rimfrost) for 10 millionar kroner. Seinare - i april 2013 - er summen auka til 15 millionar kroner.

Etterlyser betaling

Nygård sa i retten at ho ikkje kunne sjå at det er dokumentert at pengane faktisk blei betalt.
Minoritetseigarane, som seinare kravde seg løyst ut av selskapet, sette seg i mot salet. Først i september 2013 vedtok generalforsamlinga i Emerald Fisheries reknskapen for 2012, der salet er bokført.
Bahr-advokatane skal halde fram med sitt innleiingsforedrag etter lunsj. Planen er at Rimfrost og Rimfrost Technologies sine advoaktar får starte på sitt innleiingsforedrag klokka 15.00.