Verftet skal bygge to 80 meter lange hekktrålarar for det islandske Samherji sitt tyske dotterselskap Deutsche Fischfang-Union (DFFU).
Etter det NETT NO har grunn til å tru ligg prisen pr. skip på mellom 300 og 350 millionar kroner.
Konsernsjef Ståle Rasmussen seier valutasituasjonen har medverka til at Kleven-konsernet har dratt kontrakten i land.
- Sett i frå euroland er det å kjøpe båtar i Noreg gunstig for tida, seier Rasmussen.

Mar Baldvinsson står bak

Skroga skal byggast i Polen og utrustast på Myklebust Verft.
Fartya er teikna av Rolls-Royce Marineog Rolls-Royce skal og levere ein omfattande utstyrspakke, som mellom anna omfattar motorar, rorsystem og hydrauliske trålvinsjar. Det er første gang Rolls-Royce har fått ein kontrakt med Samherji-systemet og også første gang selskapet levere ein kombinert design- og utstyrspakke.
Rolls-Royce har levert både design og utstyr til fiskebåtar før, men aldri i ein kombinert pakke.
For Rolls-Royce utgjer kontrakten til saman rundt 130 millionar kroner, i følgje kommunikasjonsdirektør Anette Bonnevie Wollebæk.
- Vi er trygge på at desse fartøya, designa og bygde i Noreg, vil vere svært positive for utviklinga til selskapet, seier konsersjef Mar Baldvinson i Samherji Group.
Baldvinson er mellom anna er kjend på Nordvestlandet som styrmedlem og tidlegare medeigar i Rem Offshore.

Tre kontrakter på ei veke

Sist laurdag offentlegjorde Kleven ein kontrakt på ein nye brønnbåt for brønnbåtreiarlaget Sølvtrans. Det skjedde under markeringa av 100-årsjubileet for Myklebust Verft i Gursken i Sande kommune.

Til saman er dei tre kontraktane Kleven-konsernet har inngått denne veka på rundt ein milliard kroner. Saman med har ordreinngangen hos norske verft passert seks milliardar kroner i år.

Liv i tøff marknad

- Dette er ein veldig gledeleg kontrakt, seier Rasmussen.
Når marknaden for offshorefarty er laber satsar også tradisjonelle offshoreverft på fiskeri- og havbruk.
- Kontraktane siet ikkje laust for tida, men vi ser at marknaden ikke er heilt daud, seier han.