Deler byggeoppdrag mellom Noreg og utlandet

- Eg er eigentleg litt forundra over at så få norske skipsverft har meldt seg på konkurransen i ei tid der bransjen slit, seier Per Sævik i Havila Holding i ei pressemelding.
Havila Holding vann i dag konkurransen om ein av de tre "pakkane" som drifta av kystrute-sambandet er delt i. Gjennom datterselskapet Havila Kystruten, som får hovudkontor på Mjølstadneset i Herøy, skal selskapet drive fire av i alt 11 skip som skal trarfikkere sambandet.
Dei sju andre skipa skal drivast av Hurtigruten ASA, som i dag driv kystruten åleine.

Skip for tre milliardar

Dei fire skipa som Havila Kystruten skal bygge for å trafikkere strekninga Bergen - Kirkenes vil koster omlag tre milliardar kroner.
I følgje pressemeldinga skal dei byggast " delvis i Norge og delvis utenfor Norge".
Dei blir 125 meter lange og 20 meter breie, med plass til 700 passasjerar.
Dei skal gå på naturgass (LNG) i kombinasjon med batteri.

Aukar reiselivsatsinga

Satsinga på kystrute-sambandet er ein del av Havila Holding si auka satsing på reiseliv. Gjennom Havila Holding er Sævikfamilien medeigar i hotellet i Fosnavåg og Ørsta, i reiselivsselskapet The Fjords og ferjeselskapet Fjord 1 og Widerøe.
Havila Kystruten er eit heileigd selskap av Havila Holding, som eig 33,4 prosent av Bakkar og Berg Media, utgivarselskapet bak NETT NO.