Byggjestart neste år

Pengane skal finansiere ei utbygging som omfattar utsprenging av grunn i innløpet til hamna, til over sju meters djupn. Inne på hamna skal det mudrast/sprengast til over seks meters djupn.
Lausmassene skal brukast til utfylling både på sørsida og nordsida av Gjerdsvika. Til saman er det snakk om over 50 mål industriområde, medrekna kaier på begge sida av vika.

Løyver 97 millionar kroner

Byggestart blir neste år, etter at regjeringa har sett av 97 millionar kroner til utbygging i statsbudsjettet 2018.
Gjerdsvika er definert som ei fiskerihamn. Regjeringan løyver 117,9 millioner kroner til å gjennomføre fiskerihamneprosjekt i Møre og Romsdal. 21 millionar kroner skal gå til vedlikehald og resten til utbygging i Gjerdsvika.

Inne i nasjonal transportplan

Utbygginga i Gjerdsvika kom inn i første planperiode i den siste utgåva av nasjonal transportplan, som blei lagt fram tidlegare i år.

Til saman 12 bedrifter med 270 tilsette og 700 millionar kroner i årleg driftsinntekter har hovudkontor i Gjerdsvika, med Sanco Shipping, elektronikkselskapet Stadt og fiskematprodusenten Sandanger som dei største.