Bustyrar startar redningsarbeidet straks

Utgangspunktet for bustyraren er at heil eller delvis vidare drift er den beste løysinga, både for arbeidsplassane og for kreditorane. Arbeidet med å sikre verdiar og kartlegge grunnlaget for vidare drift er alt i gang.
- Vi skal jobbe gjennom helga med to kontrakter i arbeid, som er viktig på finne ei løysing på fordi det er viktig for å sikre eventuell vidare drift og kreditorane sine interesser, seier Bjørn Åge Hamre til NETT NO.

Lang erfaring

Hamre har arbeidd i advokatfirmaet Simonsen Vogt Wiig sidan 2006, frå 2013 som partnar i selskapet - og har lang erfaring som bustyrar.
Etter konkursen i Kleven er det bustyraren som er sjefen og styrer selskapet. Bustyraren kartlegg krava mot selskapet og skal sørge for at tapa for dei som har krav mot selskapet, frå lønstakarar til utstyrsleverandørar, blir minst mogleg.

Rask prosess

Fredag 26. juni vart det kjent at bankane hadde sett foten ned for Kleven fordi dei meiner den kroatiske eigaren Div Group ikkje oppfylte lånevilkåra.
Denne veka har Div Group-sjef Tomislav Debeljak vore i Ulsteinvik og arbeidd for å sikre at Div Group framleis kunne eige Kleven Verft. Det lukkast ikkje og i formiddag vart dei tilsette varsla om at styret i Kleven Verft melder oppbod.

Les også:

Nordnes-reiarlaget bygger på Kleven: