Bryggeri med brusprodusent på laget

Til helga opnar Molo Brew i Ålesund dørene etter å hatt førpremierer i samarbeid med Ålesund Live-sponsor og bryggerilångivar i Sparebank1 SMN i helga.
Søskenbarna og Momentiumgrunnleggarane Ante Giskeødegård og Lars Berg Giskeødegård eig knappe 60 prosent Molo Brew gjennom sitt selskap Ante og Lars Holding, og har fått med seg ei mindre gruppe investorar på eigarsida.

Størst er Oskar Sylte Invest (16,66 prosent), eit investeringsselskap i Oskar Sylte Mineralvannfabrikk-konsernet.
- Det er eit spennande løft, seier Oskar Dag Sylte om etableringa av Molo Brew.

Distribuerer

Moldeselsskapet bidrar til å distribuerer Molo Brew sitt eige øl til Momentium-festivalar og til butikkar.
Bryggeriet i Ålesund skal brygge mange sortar øl i små seriar. Molo Brew-øl som blir laga i større seriar blir produsert hos Arendals Bryggeri og frakta til Molde der det blir levert ut til grossistar som står for distribusjonen.
Oscar Sylte Mineralvannfabrikk har også ein liknande avtale med Baatbryggeriet på Vestnes.

Ivar Nesset tredje størst

Ivar Nesset, som var sentral i etableringa av investeringselskapet Novela, er tredje største aksjonær i bryggeriet. Han eig direkte og indirekte til saman 8,7 prosent i bryggeriet.
- Byutvikling, seier Nesset å begrunnelsen for satsinga.
Resten av aksjane i bryggeriet er eigd av Jan Magnus Klevens selskap Bunker Oil Holding (8,33 prosent), Esben Flo (4,2 prosent) og Pedro Fasting (2,49 prosent).