Blue Fish doblar til 2019

Ideen bak Blue Fish er å etablere ei fiskerimesse på Nordvestlandet som skal alternere med den store internasjonale fiskerimessa Nor-Fishing, som blir arrangert i Trondheim annakvart år.
Rett etter det første Blue Fish-arrangementet i fjor sa initiativtakarane John Breivik og Geir Østensen at responsen auka sjansen for at det blir ein nye messe i 2019.

No er dei godt i gang med å planlegge for Blue Fish-arrangement nummer to.

Meir plass

Messa i 2017 var i Sparebanken Møre Arena, men Østensen og Breivik hadde berre tatt sjansen på å leige deler av hallen. No er arealet for utstilling omlag dobla, opplyser Breivik i ei tekstmelding til NETT NO.
Pr. i dag er cirka halvparten av det tilgjenglege arealet i 2019 reservert eller leigd ut til utstillarar.
I fjor var cirka 80 utstillarar med på messa.

Konferansar

I fjor kom dåverande næringsminister Monica Mæland for å opne messa.
Samstundes med messa blei det og arrangert to konferansar i Ålesund sentrum, "Pelagisk Arena" og "Framtidens Fiskebåt" (les meir under Relaterte saker.
Det blir konferansar også under Blue Fish 2019.
- No vil vi samarbeide med fleire om å skape den viktigaste arenaen for fiskerinæringa i 2019, så Blue Fish ska vere ei overbygning for gode konferaransar, messer og møteplassar, skriv Breivik.
Arrangørselskapet Arena Norway gjekk praktisk talt i balanse i fjor (sjå tabell). Messa i 2017 gjekk med overskot. Overskotet finansierte fjorårets arbeide med 2019-arrangementet.