Bakken: - Beste refinansiering ever

- Det er den beste refinansieringsløysinga ever, seier administrerande direktør Karl-Johan Bakken i Farstad Shipping etter at avtalen med Aker- og Fredriksen-systemet er på plass.

Bakken siktar til at planen gir Farstad Shipping pusterom i minst fem år, pluss at det er råd å få ytterlegare to år ekstra, dersom marknaden ikke er betre innan den tid.

Sikrar jobbar

Planen inneber at Kjell Inge Røkkes Aker og eit John Fredriksen-kontrollert selskap blir største eigarar i Farstad Shipping, og at Farstad Shipping blir slått saman med Solstad Offshore og Deep Sea Supply.
Målet er dei tre selskapa skal vere eitt innan 2017 er omme. Dent nye selskapet blir verdast fjerde største offshore-reiarlag, med 154 skip. Flåten består av 33 konstruksjonsskip, 66 plattformforsyningsskip og 55 ankerhandteringsfarty.
Både refinansieringa og samanslåinga vil bidra til å sikre arbeidsplassane, meiner Bakken.
- Aktiviteten vil gå opp, heller enn ned, seier han.

Vidare forhandlingar

Dei tre reiarlaga er sterke på ulike område, subsea (Solstad Offshore), plattformforsyningskip, ankerhandteringsfarty og ein internasjonal driftsorganisasjon (Farstad Shipping) og enklare plattformforsyningsskip og ankerhandteringsfarty (Deep Sea Supply).
Hovudkontoret skal ligge i Skudneshavn og Lars Peder Solstad i Solstad Offshore skal bli toppsjef.
Korleis arbeidsoppgåvene blir fordelt mellom dei ulike organisasjonane i eit samanslått Farstad/Solstad/Deep Sea Supply vil bli avklart i vidare forhandlingar i selskapet.