I Havila Shipping er det 611 aksjonærar med teikningsrettar som no får fordelt 240 millionar aksjar til ein kurs på 0,125 kroner aksjen.
Ein av dei som får nye aksjar er økonomidirektør Arne Johan Dahle, som hadde teikna seg for ein halv million teikningsrettar.

Sævik-kontroll

For at Sævik-familien gjennom Havila Holding skal oppretthalde sin eigarandel på 50,96 prosent, har Havila Holding sikra seg vel 249 millionar nye aksjar - også det til 0,125 kroner aksjen.
Totalt er det dermed 489.402.809 nye Havila Shipping-aksjar som vert omsettelege på børsen, slik at samla antal aksjar kjem opp i over 1,7 milliardar - eller nøyaktig 1.766.555.909 aksjar.
Les børsmelding

Røkke og Fredriksen

I Farstad Shipping er det tildelt vel 142 millionar nye aksjar til kurs 0,35 kroner aksjen, slik at selskapet får inn 50 millionar kroner.
Røkke-kontrollerte Aker Capital og Fredriksen-kontrollerte Hemen Holding Limited hadde garantert for 25 millionar kroner kvar, og vil få tildelt totalt vel 59 millionar av dei nye aksjane.
Etter reparasjonsemisjonen vil antal Farstad Shipping-aksjar ha kome opp i over 4,8 milliardar aksjar, eller nøyaktig 4.863.540.679 aksjar.
Les børsmelding
Etter at alle emisjonar er gjennomførde i Farstad Shipping vil Røkke kontrollere 18,85 prosent av selskapet, der 12,36 prosent er kontrollert gjennom Aker ASA og resten gjennom dotterselskapet Ocean Yield.
John Fredriksen vil gjennom Hemen Holding Limited kontrollere 12,36 prosent i Farstad.

Solstad

Etter at fusjonen mellom Farstad Shipping, Solstad Offshore og Deep Sea Supply er gjennomført, vil Røkke kontrollere 23 prosent av selskapet gjennom Aker/Ocean Yield, medan Fredriksen vil kontrollere 16,1 prosent.
Farstad Shipping-aksjen var av børstaparane tysdag og slutta på 0,33 kroner aksjen, noko som prisa heile selskapet til vel 1,5 milliardar kroner.
Havila Shipping-aksjen slutta tysdag på 0,20 kroner, noko som gir ei total prising på selskapet på 241 millionar kroner.

Oljeprisfall

I opningshandelen på børsen onsdag, vart Farstad-aksjen omsett til 0,34 kroner, medan Havila-aksjen gjekk for 0,20 kroner aksjen.
Etter sju minutts handel er børsen ned ein prosent etter oljeprisfall.
Eit fat Nordsjøolje vert no handla til 50,58 dollar.